തിറയാട്ടത്തിൽ താരമായി 10 വയസുകാരൻ | thirayattam
3010 views
പാലക്കാട് വീഡിയോസ് സബ്സ്ക്രൈബ് ചെയ്യൂതിറയാട്ടം ഉത്സവപ്പറമ്പുകളിലെ മനോഹര കാഴ്ചകളിൽ ഒന്നാണ്. ചടുലമായ നൃത്തച്ചുവടുകളുമായി താളം ചവിട്ടി തിറകെട്ടിയാടുന്നവരെ കാണാൻ തന്നെ ഒരു അഴകാണ്. അവർക്കിടയിൽ അതിശയിപ്പിക്കുന്ന കാഴ്ചയാണ് 10 വയസുകാരൻ സിദ്ധാർത്ഥൻ. ഒറ്റപ്പാലത്തിനടുത്ത് വാണിയംകുളം പനയൂർ സ്വദേശിയായ സിദ്ധാർത്ഥൻ കഴിഞ്ഞ നാലു വർഷത്തിലധികമായി തിറ കെട്ടിയാടാൻ തുടങ്ങിയിട്ട്. കോവിഡ് മഹാമാരിക്കാലത്ത് ഒഴികെ അരങ്ങേറ്റം കഴിഞ്ഞതുമുതൽ എല്ലാ വർഷവും ഷോർണൂർ കവളപ്പാറ ആര്യങ്കാവിൽ അമ്മയുടെ തിരുസന്നിധിയിൽ എത്തുന്ന തറ കളി സംഘത്തിൽ സിദ്ധാർത്ഥൻ ഉണ്ടാകാറുണ്ട്. അഞ്ചാം ക്ലാസ് വിദ്യാർത്ഥിയാണ് സിദ്ധാർത്ഥൻ. ഒന്നാം ക്ലാസിൽ പഠിക്കുമ്പോഴാണ് തിറകളിയുടെ അരങ്ങേറ്റം കഴിഞ്ഞത്. പാരമ്പര്യമായി പകർന്നു കിട്ടിയ ഈ കലാരൂപത്തെ തലമുറ ചോരാതെ കൈമാറുക എന്ന ആഗ്രഹമാണ് മകനെ പിറകളി പഠിപ്പിക്കാൻ പ്രേരിപ്പിച്ചതെന്ന് സിദ്ധാർത്ഥന്റെ പിതാവ് ഉദയകുമാർ പറയുന്നു. ഉദയകുമാറിന്റെ പിതാവ് തിറ പൂതൻ കളിയുടെ ആചാര്യൻ എന്നറിയപ്പെടുന്ന പനയൂർ ഉണ്ണികൃഷ്ണ വൈദ്യരിൽ നിന്നാണ് തിറകളിയുടെ ബാലപാഠങ്ങൾ പഠിച്ചെടുത്തത്. വേൾഡ് റെക്കോർഡ് നേടിയ തിറ മഹോത്സവത്തിലും സിദ്ധാർത്ഥന്റെ സാന്നിധ്യം ഉണ്ടായിരുന്നു.