ഷാറൂഖ് സെയ്ഫിയെ ഷൊർണൂരിൽ എത്തിച്ചു തെളിവെടുപ്പ് നടത്തി | Shah Rukh Saifee
ഷാറൂഖ് സെയ്ഫിയെ ഷൊർണൂരിൽ എത്തിച്ചു തെളിവെടുപ്പ് നടത്തി. എലത്തൂർ ട്രെയിൻ തീവെപ്പു കേസ് പ്രതിയെ വ്യാഴാഴ്ച വൈകിട്ട് 3.28 ന് കുളപ്പുള്ളി- ഷൊർണൂർ റോഡിലുള്ള മയിൽ വാഹനം പെട്രോൾ പമ്പിൽ എത്തിച്ചാണ് തെളിവെടുപ്പ് നടത്തിയത്. ഇയാൾ പമ്പിൽനിന്ന് പെട്രോൾ വാങ്ങുന്ന സിസിടിവി ദൃശ്യങ്ങൾ പമ്പിലെത്തി അന്വേഷണസംഘം ശേഖരിച്ചിരുന്നു. ഷാറൂഖ് പമ്പിൽനിന്നു രണ്ടു കുപ്പികളിലായി പെട്രോൾ വാങ്ങിയത് ഏപ്രിൽ രണ്ടിനു വൈകീട്ട് ആറുമണിക്കാണ്. ഷാരൂഖ് സെയ്ഫി തന്നെയാണ് പെട്രോൾ വാങ്ങിയത്. ഏപ്രിൽ രണ്ടിനു രാത്രി 9.30 നാണ് ഷാറൂഖ് സെയ്ഫി ട്രെയിനിൻ്റെ ഡി വൺ കോച്ചിലെ യാത്രക്കാർക്കുമേൽ പെട്രോൾ ഒഴിച്ചു തീകൊളുത്തിയത്. ഇതിന് മുമ്പുള്ള മണിക്കൂറുകളിൽ ഷാറൂഖ് സെയ്ഫി എന്തൊക്കെ ചെയ്തു എന്നാണ് പോലീസ് അന്വേഷിക്കുന്നത്. ജീവനക്കാർ ഷാറൂഖിനെ തിരിച്ചറിഞ്ഞിരുന്നു. പ്രതിയുമായി അരമണിക്കൂറോളം നേരം അന്വേഷണസംഘം പെട്രോൾ പമ്പിൽ ചെലവഴിച്ചു.palakkadTimesXP MalayalamUpdated: 14 Apr 2023, 11:23 pm