Pulamanthol Bridge: അറ്റകുറ്റപ്പണികളുടെ ഭാഗമായി പുലാമന്തോൾ പാലത്തിലൂടെയുള്ള ഗതാഗതം നിരോധിച്ചു
പാലക്കാട് വീഡിയോസ് സബ്സ്ക്രൈബ് ചെയ്യൂ
പുലാമന്തോൾ പാലത്തിലൂടെയുള്ള ഗതാഗതം പൂർണ്ണമായും നിരോധിച്ചു. മലപ്പുറം - പാലക്കാട് ജില്ലകളെ ബന്ധിപ്പിക്കുന്ന പാലത്തിലൂടെയുള്ള ഗതാഗതം പൂർണമായും നിരോധിച്ചത്. അറ്റകുറ്റപണികളുടെ രണ്ടാം ഘട്ടത്തിൽ എക്സ്പാൻഷൻ ജോയിന്റുകളുടെ പണി പൂർത്തീകരിക്കുന്നതിനുള്ള പ്രവൃത്തികളാണ് ഇനി പാലത്തിൽ ചെയ്യേണ്ടത്. ജനുവരി 10 മുതൽ ഒരു മാസത്തേക്കാണ് പാലം പൂർണ്ണമായും അടച്ചത്. എക്സ്പാൻഷൻ ജോയിന്റുകൾ വരുന്ന 9 സ്ഥലങ്ങളും കട്ട് ചെയ്ത് അവിടെ പുതിയവ ഫിക്സ് ചെയ്ത് ഇരുവശങ്ങളും കോൺക്രീറ്റ് ചെയ്തു ക്യൂറിങ് നടത്തേണ്ടതുണ്ട്. നിലവിൽ ജോയിന്റുകളിൽ അറ്റകുറ്റപ്പണി ആരംഭിച്ചതായി അധികൃതർ പറഞ്ഞു. ഈ റോഡിലൂടെ യാത്രചെയ്യുന്ന വാഹനങ്ങൾ കട്ടുപ്പാറ ഇട്ടക്കടവ് പാലം, വളപുരം പാലോളികുളമ്പ് പാലം വഴി തിരിച്ചുവിടും.