നഷ്ടപ്പെട്ട സ്വർണ്ണമാല കണ്ടെത്തി നൽകാനായില്ല; വയോധികയ്ക്ക് സ്വർണ്ണമാല സമ്മാനിച്ച് പോലീസ്
1022 views
പാലക്കാട് വീഡിയോസ് സബ്സ്ക്രൈബ് ചെയ്യൂസ്വർണ്ണമാല നഷ്ടപ്പെട്ട പരാതിയുമായി മാസങ്ങളോളം ഒറ്റപ്പാലം പോലീസ് സ്റ്റേഷനിൽ കയറി ഇറങ്ങിയ വയോധികയ്ക്ക് ഒരു പവൻ സ്വർണ്ണമാല വാങ്ങി നൽകി വേറിട്ട മാതൃക സൃഷ്ടിക്കുകയാണ് ഒറ്റപ്പാലം പോലീസ് സ്റ്റേഷനിലെ പോലീസ് ഉദ്യോഗസ്ഥർ. പരാതിക്കാരിയുടെ കേസ് അന്വേഷിച്ചിരുന്ന സബ് ഇൻസ്പെക്ടർ ഗോവിന്ദപ്രസാദ് തന്റെ ഔദ്യോഗിക ജീവിതത്തിൽ നിന്നും വിരമിക്കുന്ന ദിനത്തിൽ സ്വർണ്ണമാല വയോധിയിലേക്ക് കൈമാറി. ഒന്നരവർഷം മുമ്പ് ഒറ്റപ്പാലം താലൂക്ക് ആശുപത്രിയിൽ ചികിത്സയിൽ എത്തിയപ്പോഴായിരുന്നു വയോധികയുടെ സ്വർണമാല നഷ്ടപ്പെട്ടത്. നഷ്ടപ്പെട്ട ഒറ്റപ്പാലം പോലീസിൽ പരാതി നൽകിയിരുന്നു. പ്രസ്തുത പരാതിയുടെ അടിസ്ഥാനത്തിൽ കേസെടുത്ത് സബ് ഇൻസ്പെക്ടർ ഗോവിന്ദപ്രസാദിനായിരുന്നു അന്വേഷണ ചുമതല. സർവീസിൽ നിന്നും ഗോവിന്ദപ്രസാദ് വിരമിക്കുന്ന ദിവസത്തിൽ പഴമ്പാലക്കോട് സ്വദേശിയായ 65 കാരിക്ക് ഒരു പവൻ തൂക്കം വരുന്ന സ്വർണ്ണമാല കൈമാറി. പോലീസ് സ്റ്റേഷനിലെ ഉദ്യോഗസ്ഥരുടെ കൂട്ടായ്മയാണ് ഇത്തരമൊരു തീരുമാനത്തിൽ എത്തിച്ചേർന്നത്.