Painting Artist Manikandan : പെൻസിൽ ഡ്രോയിങ് മുതൽ ചുമർ ചിത്രങ്ങൾ വരെ; വിസ്മയം തീർത്ത് മണികണ്ഠൻ
1041 views
പാലക്കാട് വീഡിയോസ് സബ്സ്ക്രൈബ് ചെയ്യൂചിത്രംവരയുടെ അടിസ്ഥാന പാഠങ്ങൾ പോലും അഭ്യസിക്കാതെ വിസ്മയം തീർത്ത് ഒരു ഗ്രാമത്തിനു തന്നെ അഭിമാനമാവുകയാണ് തിരുമിറ്റക്കോട് നെല്ലികാട്ടിരി സ്വദേശി മണികണ്ഠൻ. പെൻസിൽ ഡ്രോയിങ് മുതൽ കാലവിസ്മയം തീർക്കുന്ന ചുമർ ചിത്രങ്ങൾ വരെ ഈ കലാകാരന്റെ സൃഷ്ടിയിൽ വിരിയുന്നുണ്ട്. ചിത്രം വര അഭ്യസിക്കാതെ ചുമർ ചിത്രങ്ങളടക്കമുള്ള മനോഹരമായ ചിത്രങ്ങൾ വരയ്ക്കുന്ന മണികണ്ഠൻ നാട്ടില് എല്ലാവരെയും അത്ഭുതപ്പെടുത്തുകയാണ്. ചെറുപ്പം മുതൽ ചിത്രം വരയിൽ കഴിവ് പ്രകടിപ്പിച്ച മണികണ്ഠൻ കഴിഞ്ഞ 6 വർഷമായി സജീവമായി കലാരംഗത്തുണ്ട്. തന്റെ കലാസൃഷ്ടികൾ കണ്ട കുടുംബ സുഹൃത്തിന്റെ പ്രോത്സാഹനമാണ് ഇന്നീ കാണുന്ന മനോഹര ചിത്രങ്ങളിലേക്ക് നയിച്ചതെന്നു ഇദ്ദേഹം പറഞ്ഞു. ചിത്ര രചനയിൽ തനിക്കറിയുന്ന കാര്യങ്ങൾ കുട്ടികൾക്ക് പറഞ്ഞുകൊടുക്കാനും ഈ കലാകാരൻ സമയം കണ്ടെത്തുന്നുണ്ട്. 500ഓളം ചിത്രങ്ങൾ ഇതിനോടകം വരച്ചു തീർത്തു. അടുത്തിടെ നടന്ന ചടങ്ങിൽ കുളപുള്ളി ലീലയിൽ നിന്നും ആദരം ഏറ്റുവാങ്ങാൻ കഴിഞ്ഞതിന്റെ സന്തോഷത്തിലാണ് ഈ കലാകാരൻ. ആവശ്യക്കാർക്ക് പോർട്രൈറ്റ് ചിത്രങ്ങളും മണികണ്ഠൻ വരച്ചു നൽകുന്നുണ്ട്. തന്റെ ചിത്രങ്ങൾ ജനങ്ങളിലേക്കെത്തിക്കാനും അവർക്ക് ആസ്വദിക്കാനും കഴിയുന്ന എക്സിബിഷനുകൾ സംഘടിപ്പിക്കണമെന്നാണ് മണികണ്ഠന്റെ ഏറ്റവും വലിയ ആഗ്രഹം.