തങ്ങൾക്ക് സുരക്ഷ വേണമെന്ന് കൊല്ലപ്പെട്ട മധുവിന്റെ കുടുംബം |Madhu case
1020 views
പാലക്കാട് വീഡിയോസ് സബ്സ്ക്രൈബ് ചെയ്യൂസുരക്ഷ ആവശ്യപ്പെട്ട് കൊല്ലപ്പെട്ട മധുവിന്റെ കുടുംബം. പാലക്കാട് എസ്പിക്കാണ് അട്ടപ്പാടിയിൽ ആൾക്കൂട്ട ആക്രമണത്തിൽ കൊല്ലപ്പെട്ട മധുവിന്റെ കുടുംബം അപേക്ഷ നൽകിയത്. ഏപ്രിൽ നാലിനാണ് മധു വധക്കേസിൽ വിധി പ്രഖ്യാപിക്കുന്നത്. ഇതിനു മുന്നോടിയായി ആണ് കുടുംബം സുരക്ഷ ആവശ്യപ്പെട്ട് അപേക്ഷ നൽകിയത്. വിധി പറയാനിരിക്കുന്ന സാഹചര്യത്തിൽ അനിഷ്ട സംഭവങ്ങൾക്ക് സാധ്യതയുണ്ടെന്ന് ആശങ്ക നിലനിൽക്കുന്നുണ്ട്. മധുവിന്റെ അമ്മ മല്ലിയമ്മയും കുടുംബവും പാലക്കാട് എസ് പി ആർ വിശ്വനാഥനെ നേരിട്ട് കണ്ട് അപേക്ഷ നൽകുകയായിരുന്നു. ആദ്യഘട്ടം മുതലേ മധുവിന്റെ കേസ് അട്ടിമറിക്കാൻ ശ്രമങ്ങൾ നടന്നിരുന്നു. പലതവണ മധുവിന്റെ അമ്മയ്ക്ക് നേരെയും വീടിനുനേരെയും സഹോദരിക്ക് നേരെയും ആക്രമണം ഉണ്ടായിട്ടുണ്ട്. മധു കേസുമായി ബന്ധപ്പെട്ട ആക്ഷൻ കൗൺസിൽ രൂപീകരിച്ചതിനുശേഷമാണ് ആക്രമണങ്ങൾ ഉണ്ടായത്.