അകത്തെത്തറയിലെ വീട്ടമ്മയുടെ ആത്മഹത്യ; മൈക്രോഫിനാൻസുകാരുടെ ശല്യം മൂലം
1023 views
പാലക്കാട് വീഡിയോസ് സബ്സ്ക്രൈബ് ചെയ്യൂപാലക്കാട് അകത്തെത്തറയിലുണ്ടായ വീട്ടമ്മയുടെ ആത്മഹത്യ മൈക്രോഫിനാൻസുകാരുടെ ശല്യം മൂലമാണ് എന്ന പരാതിയുമായി മകൻ രംഗത്ത്. വെള്ളിയാഴ്ചയാണ് പാലക്കാട് ജില്ലയിലെ അകത്തേതറ മരുതക്കോടുള്ള പത്മാവതി എന്ന വയോധിക ചികിത്സയിലിരിക്കെ മരിച്ചത്. കഴിഞ്ഞ തിങ്കളാഴ്ച്ചയാണ് പത്മാവതി കുളിമുറിയിൽ ജീവനൊടുക്കാൻ ശ്രമിച്ചത്. ഗുരുതരമായി പരുക്കേറ്റ പത്മാവതിയെ പാലക്കാട് ജില്ലാ ആശുപത്രിയിൽ എത്തിച്ചു. എന്നാൽ നാലാം ദിവസം മരണം സംഭവിക്കുകയായിരുന്നു. രണ്ടു മാസം മുമ്പ് പത്മാവതിയുടെ പേരിൽ മകൻ ബജാജ് മൈക്രോ ഫിനാൻസിന്റെ ഇ എം ഐ വഴി 14000 രൂപ വിലവരുന്ന മൊബൈൽ ഫോൺ വാങ്ങിയിരുന്നു. 2014 രൂപ നിരക്കിൽ 5 മാസം കൊണ്ട് അടയ്ക്കുന്ന സ്കീമിലാണ് ലോൺ എടുത്തത്. എന്നാൽ ആദ്യമാസം കൃത്യമായി ലോൺ അടയ്ക്കാൻ പറ്റിയിരുന്നെങ്കിലും ഈ മാസം ഇ എം ഐ അടവ് മുടങ്ങുകയായിരുന്നു. ഇതിനെ തുടർന്ന് നിരന്തരമായി ഫിനാൻസ് സ്ഥാപനത്തിന്റെ ഏജന്റ് വീട്ടിൽ വന്ന് കുടുംബത്തെ ശല്യപ്പെടുത്തിയിരുന്നു എന്നാണ് മകന്റെ ആരോപണം.