തുടർച്ചയായി 14ാം വർഷവും നോമ്പ് എടുത്ത് ജയരാജൻ
തുടർച്ചയായി 14ാം വർഷവും 30നാൾ നോമ്പ് എടുത്ത് ജയരാജൻ. കോൺഗ്രസ് ഒറ്റപ്പാലം മണ്ഡലം പ്രസിഡൻറായ എൻ.കെ. ജയരാജനാണ് പുണ്യ റമദാൻ മാസത്തിൽ സുഹൃത്തുക്കളോടൊപ്പം ആണ് വ്രതം അനുഷ്ഠിച്ചത്. 2010 ലാണ് ആദ്യമായി ജയരാജൻ റമദാൻ വ്രതം അനുഷ്ഠിച്ചത്. ഒരു മതേതര പ്രസ്ഥാനത്തിൽ വിശ്വസിക്കുന്ന വ്യക്തി എന്ന നിലയിലാണ് ഇത്തരത്തിൽ ഒരു തീരുമാനത്തിലേക്ക് എത്തിയതെന്ന് ജയരാജൻ പറയുന്നു. താൻ യൂത്ത് കോൺഗ്രസിൽ പ്രവർത്തിക്കുമ്പോൾ ടി.എൻ. പ്രതാപൻ, പി. നന്ദപാലൻ എന്നിവർ വ്രതമനുഷ്ഠിക്കുന്നത് കണ്ടിട്ടുണ്ട്. അങ്ങനെയാണ് വ്രതം അനുഷ്ഠിക്കാൻ തുടങ്ങിയത്. ആദ്യ വർഷം 15 നോമ്പാണ് എടുത്തത്. പിന്നീടുള്ള വർഷങ്ങളിൽ തൻറെ ഇസ്ലാം സുഹൃത്തുക്കളോടൊപ്പം മുഴുവൻ നോമ്പും എടുത്തു ശീലിച്ചു. നോമ്പ് ദിനങ്ങളിൽ പുലർച്ചെ നാലു മണിക്ക് എഴുന്നേറ്റ് അമ്മ കമലം ഭക്ഷണം ഒരുക്കി കൊടുക്കും. പകൽ സമയങ്ങളിൽ പതിവുപോലെ പൊതുപ്രവർത്തന മേഖലയിൽ തിരക്കിലാവും ജയരാജൻ. വൈകിട്ട് തൻറെ സുഹൃത്തുക്കളോടൊപ്പം നോമ്പു തുറക്കും. ഒറ്റപ്പാലത്തെ എംപി ഗോവിന്ദമേനോൻ സ്മാരക മന്ദിരത്തിൽ വച്ചായിരിക്കും മിക്ക ദിവസങ്ങളിലും നോമ്പ് തുറ ഉണ്ടാവുക എന്നും ജയരാജൻ പറഞ്ഞു.palakkadTimesXP MalayalamUpdated: 21 Apr 2023, 6:02 pm