പട്ടാമ്പി എംഎൽഎ മുഹമ്മദ് മുഹ്സിനെ ജില്ലാ കമ്മറ്റിയിലേക്ക് തരംതാഴ്ത്തി
പാലക്കാട് വീഡിയോസ് സബ്സ്ക്രൈബ് ചെയ്യൂ
പാലക്കാട് ജില്ലയിൽ സിപിഎമ്മിന് പിന്നാലെ സിപിഐയിലും വിഭാഗീയത. പട്ടാമ്പി എംഎൽഎ മുഹമ്മദ് മുഹ്സിൻ, ജില്ലാ കമ്മിറ്റി അംഗം കോടിയിൽ രാമകൃഷ്ണൻ തുടങ്ങിയ നേതാക്കൾക്കെതിരെയാണ് നടപടി. ജില്ലാ എക്സിക്യൂട്ടീവ് അംഗമായ മുഹ്സിനെ ജില്ലാ കമ്മിറ്റിയിലേക്കും ജില്ലാ കമ്മറ്റി അംഗമായിരുന്ന കോടിയിൽ രാമകൃഷ്ണനെ പട്ടാമ്പി ബ്ലോക്ക് കമ്മറ്റിയിലേക്കുമാണ് തരംതാഴ്ത്തിയത്. 20-ഓളം നേതാക്കൾക്കെതിരെ നടപടിയെടുത്തതായാണ് വിവരം. കഴിഞ്ഞ സിപിഐ സമ്മേളനങ്ങളിൽ വിഭാഗീയ പ്രവർത്തനങ്ങൾ നടത്തിയെന്ന പാർട്ടി അന്വേഷണ കമ്മീഷൻ കണ്ടെത്തലിനെ തുടർന്നാണ് മുഹമ്മദ് മുഹ്സിൻ ഉൾപ്പെടുന്ന നേതാക്കൾക്കെതിരെ സംസ്ഥാന കമ്മറ്റി നടപടി സ്വീകരിച്ചത്. സംസ്ഥാന നേതാക്കളുടെ നേതൃത്വത്തിൽ കഴിഞ്ഞദിവസം ചേർന്ന ജില്ലാ കമ്മറ്റി യോഗത്തിലാണ് നടപടി സ്വീകരിച്ചത്. മുതിർന്ന സിപിഐ നേതാവ് കെഇ ഇസ്മയിലും വിഭാഗീയ പ്രവർത്തനങ്ങൾക്ക് നേതൃത്വം നൽകിയെന്ന് അന്വേഷണ കമ്മീഷൻ കണ്ടെത്തിയിട്ടുണ്ട്. വിഭാഗീയ പ്രവർത്തനങ്ങൾ നടത്തിയതിനെ തുടർന്ന് തൃത്താല ഏരിയ ഘടകം പിരിച്ചുവിടുമെന്നും സൂചനയുണ്ട്