ഇന്നോവയും ടിപ്പറും കൂട്ടിയിടിച്ച് ഒരു മരണം
പാലക്കാട് വീഡിയോസ് സബ്സ്ക്രൈബ് ചെയ്യൂ
വാണിയംകുളത്ത് ടിപ്പറും ഇന്നോവയും കൂട്ടിയിടിച്ച് മദ്യവയസ്കൻ മരിച്ചു. 47 വയസ്സുകാരനായ പട്ടാമ്പി വിളയൂർ കരിങ്ങനാട് പൂക്കാടൻ കുന്നിൽ നീളൻതൊടി വീട്ടിൽ സതീഷാണ് മരിച്ചത്. ചൊവ്വാഴ്ച്ച രാവിലെ ഏഴു മണിയോടെ പാലക്കാട് കുളപ്പുള്ളി പാതയിൽ വാണിയംകുളത്ത് കോതകുർശ്ശി റോഡിനു സമീപത്താണ് അപകടം നടന്നത്. അപകടത്തിൽപ്പെട്ട ഇന്നോവ കാറിൽ ഉണ്ടായിരുന്ന എല്ലാവർക്കും പരിക്കേറ്റു. നെന്മാറ വേല കഴിഞ്ഞ് പട്ടാമ്പി ഭാഗത്തെക്കു തിരികെ മടങ്ങുകയായിരുന്ന ഇവർ. അപകടത്തിൽ സജീഷ്, ഗോകുൽ, സന്ദീപ്, സവീഷ്, ബിനീഷ്, ജിനോയ് എന്നിവർക്കാണ് പരിക്കേറ്റത്. പരിക്കേറ്റവർ വാണിയംകുളത്തെ സ്വകാര്യ ആശുപത്രിയിൽ ചികിത്സയിലാണ്.