വ്യാപാരിയുടെ കൊലപാതക കേസിൽ വെളിപ്പെടുത്തലുമായി ഫർഹാനയുടെ മാതാപിതാക്കൾ
1018 views
പാലക്കാട് വീഡിയോസ് സബ്സ്ക്രൈബ് ചെയ്യൂവ്യാപാരിയുടെ കൊലപാതക കേസിൽ വെളിപ്പെടുത്തലുമായി ഫർഹാനയുടെ മാതാപിതാക്കൾ. കേസിൽ പ്രതി ചേർക്കപ്പെട്ട ഷിബിലിയും ഫർഹാനയും തമ്മിൽ വർഷങ്ങളായി അടുത്ത ബന്ധം ഉണ്ടായിരുന്നുവെന്നും കൊല്ലപ്പെട്ട സിദ്ധിക്കും ഫർഹാനയും മുൻപെ പരിചയക്കാരെന്നും ഫർഹാനയുടെ മാതാപിതാക്കൾ വെളിപ്പെടുത്തി. ഇത്തരമൊരു കൊലപാതക കേസിൽ തൻറെ മകൾ പ്രതിചേർക്കപ്പെട്ടത് ഏറെ ഞെട്ടൽ ഉണ്ടാക്കി. ടി വി വാർത്തയിലൂടെയാണ് ഈ വിവരം അറിയുന്നത്. ഫർഹാന സ്വമേധയാ ഇത്തരമൊരു കൊലപാതകത്തിൽ പങ്കാളിയാകില്ല. കേൾക്കുന്നത് സത്യമാണെങ്കിൽ അത് ഷിബിലിയുടെ നിർബന്ധത്തിനു വഴങ്ങി ചെയ്തതാകുമെന്നും രക്ഷിതാക്കൾ പറഞ്ഞു. ഷിബിലിക്ക് പലയിടങ്ങളിലും ജോലി വാങ്ങി നൽകിയത് ഫർഹാനയാണ്. ഓരോ ജോലി സ്ഥലത്തും പ്രശ്നമുണ്ടാക്കി ഷിബിലി നിർത്തി പോവുകയാണ് പതിവ്. അങ്ങനെയുള്ള സാഹചര്യത്തിൽ ഫർഹാന മറ്റൊരു ജോലി തേടി കൊടുക്കും എന്നും രക്ഷിതാക്കൾ പറഞ്ഞു.