കൊപ്പം പഞ്ചായത്ത് തിരിച്ചുപിടിക്കാൻ സിപിഎം; അവിശ്വാസ പ്രമേയത്തിന് നോട്ടീസ് നൽകി
പാലക്കാട് വീഡിയോസ് സബ്സ്ക്രൈബ് ചെയ്യൂ
യു ഡി എഫ് ഭരണം കയ്യാളുന്ന കൊപ്പം ഗ്രാമപ്പഞ്ചായത്തിൽ വീണ്ടും അവിശ്വാസ പ്രമേയത്തിന് നോട്ടീസ് നൽകി . മുസ്ലീം ലീഗ് അംഗമായ പഞ്ചായത്ത് പ്രസിഡന്റ് എം സി അബ്ദുൾ അസീസിനെതിരെയാണ് സി പി എം അംഗങ്ങൾ അവിശ്വാസ നോട്ടീസ് നൽകിയത്. തിങ്കളാഴ്ച പട്ടാമ്പി ബ്ലോക്ക് പഞ്ചായത്ത് സെക്രട്ടറിക്ക് നോട്ടീസ് കൈമാറി. 17 വാർഡുകളുളള പഞ്ചായത്തിൽ 8 എൽ ഡി എഫ് 8 യു ഡി എഫ് ബി ജെ പി 1 എന്നിങ്ങനെയാണ് കക്ഷിനില. കഴിഞ്ഞ തദ്ദേശ തിരഞ്ഞെടുപ്പിൽ പ്രസിഡന്റ്, വൈസ് പ്രസിഡന്റ് സ്ഥാനങ്ങൾ നറുക്കെടുപ്പിലൂടെയായിരുന്നു തിരഞ്ഞെടുത്തത്. എൽ ഡി എഫിന് പ്രസിഡന്റ് സ്ഥാനവും യു ഡി എഫിന് വൈസ് പ്രസിഡന്റ് സ്ഥാനവുമാണ് ലഭിച്ചത്. ഇതിനിടെ 2022 ഏപ്രിലിൽ ബി ജെ പി അംഗത്തിന്റെ പിന്തുണയോടെ യു ഡി എഫ്, പ്രസിഡന്റായിരുന്ന സി പി എമ്മിലെ ടി ഉണ്ണികൃഷണനെതിരെ അവിശ്വാസം കൊണ്ടു വരികയും ഇത് പാസാവുകയും ചെയ്തു.