Autorickshaw Driver: 3 വയസുകാരനെ തട്ടിക്കൊണ്ട് പോവാനുള്ള ശ്രമം തടഞ്ഞ ഓട്ടോ ഡ്രൈവർക്ക് അഭിനന്ദന പ്രവാഹം
1010 views
പാലക്കാട് വീഡിയോസ് സബ്സ്ക്രൈബ് ചെയ്യൂമൂന്നു വയസുകാരനെ തട്ടിക്കൊണ്ട് പോകാനുള്ള ശ്രമം തടഞ്ഞ ഓട്ടോ ഡ്രൈവർക്ക് അഭിനന്ദന പ്രവാഹം. പാലക്കാട് കഞ്ചിക്കോടാണ് മൂന്നു വയസ്സുകാരനെ തട്ടിക്കൊണ്ടു പോകാനല്ല ശ്രമം നടന്നത്. പ്രതിയായ തമിഴ്നാട് സ്വദേശി സെന്തിൽകുമാറിന്റെ അറസ്റ്റ് പോലീസ് രേഖപ്പെടുത്തി. കഞ്ചിക്കോട് കിഴക്കേമുറിയിൽ താമസിക്കുന്ന യുപി സ്വദേശികളുടെ മകനായ മൂന്നു വയസ്സുകാരനെ തട്ടിക്കൊണ്ടുപോകാനാണ് ഇയാൾ ശ്രമിച്ചത്. സെന്തിൽ കുമാറിന്റെ പെരുമാറ്റത്തിൽ സംശയം തോന്നിയ ഓട്ടോറിക്ഷ ഡ്രൈവറുടെ ഇടപെടലാണ് കുട്ടിയെ രക്ഷപ്പെടുത്തിയത്. ഓട്ടോറിക്ഷ ഡ്രൈവർ അഭിലാഷ്, ചോദ്യം ചെയ്തപ്പോഴാണ് കുട്ടി തന്റെതല്ലെന്ന് സെന്തിൽ കുമാർ സമ്മതിച്ചത്. ഉടൻ മറ്റ് ഓട്ടോറിക്ഷ ഡ്രൈവർമാരെയും , പോലീസിനെയും അഭിലാഷ് വിവരമറിയിച്ചു. മിഠായി കൊടുത്തത് കാരണം സെന്തിൽകുമാറിനൊപ്പം ഓട്ടോയിൽ കയറുമ്പോൾ കുട്ടി കരഞ്ഞിരുന്നില്ലെന്നും. ചോദ്യം ചെയ്യുന്നതിനിടയിൽ കുട്ടിയുമായി ഓടി രക്ഷപ്പെടാൻ സെന്തിൽ കുമാർ ശ്രമിച്ചെന്നും, കുട്ടിയെ രക്ഷിച്ച ഓട്ടോഡ്രൈവർ അഭിലാഷ് പറഞ്ഞു. സെന്തിൽ കുമാറിന്റെ അറസ്റ്റ് വാളയാർ പോലീസ് രേഖപ്പെടുത്തി. സംശയാസ്പദമായ നിലയിൽ കഴിഞ്ഞ കുറച്ചു ദിവസങ്ങളായി സെന്തിൽ കുമാറിനെ കഞ്ചിക്കോട്, വാളയാർ ഭാഗങ്ങളിൽ കണ്ടതായി കുട്ടിയുടെ കുടുംബവും നാട്ടുകാരും പോലീസിന് മൊഴി നൽകിയിട്ടുണ്ട്. വൈദ്യ പരിശോധനയ്ക്കുശേഷം പ്രതിയെ മജിസ്ട്രേറ്റ് മുന്നിൽ ഹാജരാക്കുമെന്ന് പോലീസ് അറിയിച്ചു.