Palakkad Well Chemical Change: പാലക്കാട് കിണറിനുള്ളിൽ സ്ഫോടനം
1045 views
പാലക്കാട് വീഡിയോസ് സബ്സ്ക്രൈബ് ചെയ്യൂപാലക്കാട് വാണിയംകുളം പഞ്ചായത്തിലെ തൃക്കങ്ങോട് കിണറിനുള്ളിൽ സ്ഫോടനം. സംഭവത്തിൽ ആളപായമില്ല. എന്നാൽ സമീപപ്രദേശത്തെ നാല് വീടുകളുടെ ജനല് ചില്ലുകള് തകര്ന്നു. ബുധനാഴ്ച വൈകിട്ട് ആറേകാലോടെയായിരുന്നു സ്ഫോടനം നടന്നത്. കൃഷ്ണ ഭവനിൽ ലക്ഷ്മിഭായിയുടെ ഉടമസ്ഥതയിലുള്ള പറമ്പിലെ കിണറിലാണ് സ്ഫോടനം ഉണ്ടായത്. ഒറ്റപ്പാലം പോലീസ്, ഷൊർണൂർ അഗ്നിരക്ഷാസേന സംഘം, ബോംബ് സ്കോഡ് എന്നിവർ സ്ഥലത്തെത്തി പരിശോധന നടത്തി. വർഷങ്ങളോളമായി ഉപയോഗശൂന്യമായി കിടന്നിരുന്ന കിണറിനുള്ളിലാണ് സ്ഫോടനം ഉണ്ടായത്. കിണറിനുള്ളിൽ മീഥൈൻ വാതകം രൂപപ്പെട്ടതാകാം സ്ഫോടനത്തിന് കാരണം എന്നാണ് നിഗമനം. വൈകീട്ട് കിണറിനുള്ളിലെ മാലിന്യങ്ങൾ കൂട്ടി കത്തിച്ചിരുന്നു. ഇതേ തുടർന്നാണ് സ്ഫോടനം ഉണ്ടായതെന്നാണ് ഉദ്യോഗസ്ഥർ നൽകുന്ന വിവരം.തൃക്കങ്ങോട് രണ്ടു മൂർത്തി ക്ഷേത്രത്തിന് സമീപത്തുള്ള താഴത്തേതിൽ ജയന്തി, ധന്യ നിവാസിൽ നിർമ്മല, മാനസി നിവാസിൽ സ്മിത ഗോവിന്ദകൃഷ്ണൻ, കൃഷ്ണ നിവാസിൽ വിജയകുമാർ എന്നിവരുടെ വീടുകൾക്കാണ് കേടുപാടുകൾ സംഭവിച്ചത്.