Giant African Snail Chathannur: ഒച്ചിനെ എങ്ങനെ തുരത്തുമെന്നറിയാതെ ചാത്തന്നൂർ നിവാസികൾ
പാലക്കാട് വീഡിയോസ് സബ്സ്ക്രൈബ് ചെയ്യൂ
Giant African Snail Chathannur ആഫ്രിക്കൻ ഒച്ചിന്റെ ശല്യം മൂലം ബുദ്ധിമുട്ട് അനുഭവിക്കുകയാണ് പാലക്കാട് ചാത്തന്നൂർ പ്രദേശവാസികൾ. കാർഷികവിളകൾ വ്യാപകമായി നശിപ്പിക്കുകയും പ്രദേശവാസികളിൽ ആരോഗ്യപ്രശ്നങ്ങൾ ഉണ്ടാക്കുകയും ചെയ്യുന്ന ഒച്ചിന്റെ സാന്നിധ്യം വൻ ഭീഷണിയാണ് ഉണ്ടാക്കുന്നത്. പ്രളയ ശേഷമുള്ള 4 വർഷത്തോളമായി ഈ പ്രദേശം ആഫ്രിക്കൻ ഒച്ചിന്റെ പിടിയിലാണുള്ളത്. എല്ലാവർഷവും ഒച്ചിനെ നശിപ്പിക്കാനായി ഉപ്പിടാറുണ്ട്. എന്നിരുന്നാലും മഴപെയ്താൽ ഉടനെ തന്നെ വീണ്ടും ഒച്ചുകൾ ഉണ്ടാകും. ഇവിടുത്തെ സ്കൂളുകളുടെ സമീപത്ത് ആയിരക്കണക്കിന് ഒച്ചുകളുണ്ട്. വീടുകളിൽ നിന്ന് ആളുകൾ രാവിലെ പുറത്തിറങ്ങുന്നത് പോലും കയ്യിൽ ഉപ്പുമായാണ്. കൃഷിവിളകൾ വാടിപ്പോകുന്ന അവസ്ഥയും ഇലകൾ തിന്നു നശിപ്പിക്കുന്ന അവസ്ഥയും ഒച്ചുകൾ മൂലം ഉണ്ടാകുന്നു.