വീടെന്ന സ്വപ്നം യാഥാർത്ഥ്യമാകും എന്ന പ്രതീക്ഷയോടെ ദമയന്തി
1036 views
പാലക്കാട് വീഡിയോസ് സബ്സ്ക്രൈബ് ചെയ്യൂസ്വന്തമായി ഒരു വീട് വേണമെന്ന ആവശ്യവുമായി ദമയന്തി. കഴിഞ്ഞ എട്ടു വർഷമായി ഇവർ വാടക വീട്ടിൽ ആണ് താമസം. ഇന്നിപ്പോൾ ഒറ്റപ്പാലം താലൂക്ക് തല പരാതി പരിഹാര അദാലത്തിൽ തന്റെ ആവശ്യം മന്ത്രിമാർക്ക് മുന്നിൽ പറഞ്ഞപ്പോൾ ദമയന്തിയുടെ വാക്കുകൾ ഇടറി. കടമ്പഴിപ്പുറം പഞ്ചായത്തിലെ ഉമ്മനഴി കണ്ണനാട്ടുവീട്ടിൽ 61കാരിയായ ദമയന്തി ഒറ്റപ്പാലം താലൂക്ക് തല പരാതി പരിഹാര അദാലത്തിലെത്തിയത് അന്തിയുറങ്ങാൻ സ്വന്തമായി ഒരു വീട് വേണമെന്ന ആവശ്യവുമായിരുന്നു. കഴിഞ്ഞ 15 മാസത്തോളമായി വീട്ടുവാടക കൊടുക്കാൻ പോലും നിവർത്തിയില്ലാതെ ബുദ്ധിമുട്ടുകയാണ്. തന്റെ രണ്ട് പെൺ മക്കളുടെയും വിവാഹ ആവശ്യങ്ങൾക്കായി എടുത്ത ബാങ്ക് വായ്പ തിരിച്ചടയ്ക്കാനാകാതെ വന്നപ്പോഴാണ് സ്വന്തമായി ഉണ്ടായിരുന്ന കിടപ്പാടം വിറ്റ് കുടുംബത്തിൻറെ കടം വിട്ടേണ്ടി വന്നത്. അങ്ങനെയാണ് ദമയന്തി വാടകവീട്ടിൽ അഭയം തേടുന്നത്. ലോറി ഡ്രൈവറായിരുന്ന ഇവരുടെ ഭർത്താവ് കോവിഡ് രോഗബാധിതനായി മരണപ്പെട്ടതോടെ ഇവരുടെ കുടുംബ ബാധ്യതകൾ ഏറെയായി.