63 കാരനെ കയ്യേറ്റം ചെയ്ത് ബൈക്കും ഫോണുകളും കവർന്നു
1049 views
പാലക്കാട് വീഡിയോസ് സബ്സ്ക്രൈബ് ചെയ്യൂബൈക്കിൽ യാത്ര ചെയ്യുകയായിരുന്ന 63 കാരനെ 4 അംഗസംഘം കയ്യേറ്റം ചെയുകയും ബൈക്കും ഫോണുകളും കവർന്നതായി പരാതി. കോതകുറുശ്ശി പനമണ്ണ സ്വദേശിയായ ഗോപാലകൃഷ്ണനാണ് ചെർപ്പുളശ്ശേരി പോലീസ് സ്റ്റേഷനിൽ പരാതി നൽകിയത്. വ്യാഴാഴ്ച ഉച്ചയ്ക്ക് 12:30 ന് സൗത്ത് പനമണ്ണയിലെ വീട്ടിലേക്ക് പോകുന്ന വഴിക്കാണ് തൃക്കടിയിൽ വച്ച് കവർച്ച നടന്നത്. തൃക്കടീരി പഞ്ചായത്ത് ഓഫീസ് പരിസരത്ത് വച്ച് രണ്ട് ബൈക്കുകളിൽ എത്തിയ നാലങ്ക സംഘം ബൈക്കിൽ പോവുകയായിരുന്ന തന്റെ വാഹനത്തിന്റെ പിറകിൽ വന്ന് ഇടിക്കുകയും ബൈക്ക് തടഞ്ഞുനിർത്തി ബൈക്കിൽ നിന്നും തന്നെ റോഡിലേക്ക് വലിച്ചിടുകയും മുഖത്ത് മണൽ വാരിയെറിയുകയും ശേഷം ബൈക്കും രണ്ടു മൊബൈൽ ഫോണുകളുമായി കടന്നു കളയുകയും ചെയ്തുവെന്നാണ് പരാതി. റോഡിലേക്ക് വലിച്ചിട്ടപ്പോൾ വലതുകാലിൽ മുറിവ് പറ്റിയിട്ടുണ്ട്. കോതകുർശ്ശിയിലെ സ്വകാര്യ ക്ലിനിക്കിൽ ചികിത്സ തേടിയ ഗോപാലകൃഷ്ണൻ ചെർപ്പുളശ്ശേരി പോലീസിൽ പരാതി നൽകുകയായിരുന്നു.