മുഖ്യമന്ത്രിയുടെ വാഹന വ്യൂഹത്തിനെ നേരെ യൂത്ത് ലീഗിന്റെ കരിങ്കൊടി പ്രതിഷേധം
1020 views
മലപ്പുറം വീഡിയോസ് സബ്സ്ക്രൈബ് ചെയ്യൂമലപ്പുറം പെരിന്തൽമണ്ണയിൽ മുഖ്യമന്ത്രിയുടെ വാഹന വ്യൂഹത്തിനെ നേരെ യൂത്ത് ലീഗ് പ്രവർത്തകർ കരിങ്കൊടി കാണിച്ചു. ഇന്ന് രാവിലെ പെരിന്തൽമണ്ണ അർബൻ കോപ്പറേറ്റീവ് ബാങ്കിൻറെ ഉദ്ഘാടനത്തിന് എത്തിയതായിരുന്നു മുഖ്യമന്ത്രി പിണറായി വിജയൻ. തുടർന്ന് ശിഫ കൺവെൻഷൻ സെൻ്ററിൽ അടുത്ത പരിപാടിക്കായി മുഖ്യമന്ത്രി ഇതുവഴി യാത്ര ചെയ്യുന്നുണ്ടെന്നറിഞ്ഞ പ്രവർത്തകർ മുൻകൂട്ടി ഈ പ്രദേശത്ത് തമ്പടിച്ച് നിന്നു. തുടർന്ന് മുഖ്യമന്ത്രിയുടെ വാഹന വ്യൂഹം ഇത് വഴി എത്തിയതോടെ റോഡിലേക്ക് ഇറങ്ങി യൂത്ത് ലീഗ് പ്രവർത്തകർ കരിങ്കോടി കാണിച്ചത്. ഇതിൻറെ ദൃശ്യങ്ങളാണ് ഇപ്പോൾ സമൂഹമാധ്യമങ്ങളുടെ പുറത്തുവന്നിരിക്കുന്നത്. താനൂർ ബോട്ട് അപകടത്തിലെ കുറ്റക്കാരെ മുഖ്യമന്ത്രി സംരക്ഷിക്കുകയാണെന്നും, എ.ഐ ക്യാമറയിലെ അഴിമതിയിൽ മുഖ്യമന്ത്രിക്കും വലിയ പങ്കുണ്ടെന്നും പറഞ്ഞാണ് പ്രവർത്തകർ മുഖ്യമന്ത്രിക്ക് മുന്നിൽ പ്രതിഷേധവുമായി രംഗത്തെത്തിയത്. ജില്ലയിൽ എല്ലായിടങ്ങളിലും മുഖ്യമന്ത്രി എത്തുന്നതിന്റെ മുന്നോടിയായി കനത്ത സുരക്ഷയാണ് പോലീസ് ഒരുക്കിയിരുന്നത്.