എംഡിഎംഎയുമായി പിടിയിലായ യുവാവ് കസ്റ്റഡിയിലിരിക്കെ മരണപ്പെട്ടു
1016 views
മലപ്പുറം വീഡിയോസ് സബ്സ്ക്രൈബ് ചെയ്യൂതാനൂരിൽ മയക്കുമരുന്നുമായി പോലീസ് പിടികൂടിയ യുവാവ് കസ്റ്റഡിയിലിരിക്കെ മരിച്ചു. തിരൂരങ്ങാടി മമ്പുറം സ്വദേശിയായ സാമി ജിഫ്രിയാണ് താനൂർ പോലീസിൻ്റെ കസ്റ്റഡിയിലിരിക്കെ ഇന്നു പുലർച്ചെ മരിച്ചത്. കുഴഞ്ഞുവീണ് മരിച്ചുവെന്നാണ് പോലീസ് വിശദീകരണം. മൃതദേഹം താനൂരിലെ സ്വകാര്യ ആശുപത്രിയിലേക്ക് മാറ്റി. കഴിഞ്ഞദിവസമാണ് പോലീസ് യുവാവിനെ കസ്റ്റഡിയിലെടുക്കുന്നത്. 18 ഗ്രാം എംഡിഎംഎയുമായി പിടിയിലായ സംഘത്തിൽപ്പെട്ടയാളായിരുന്നു സാമി ജിഫ്രി. ജില്ലാ ക്രൈം ബ്രാഞ്ച് ഡിവൈഎസ്പി കെസി ബാബുവിന്റെ നേതൃത്വത്തിൽ അന്വേഷണം ആരംഭിച്ചിട്ടുണ്ട്. മരണവിവരം പുറത്തുവന്നതോടെ പോലീസിനെതിരെ പ്രതിഷേധം ഉയരുന്നുണ്ട്. തിരൂർ സബ് കളക്ടറുടെ നേതൃത്വത്തിൽ ഇൻക്വസ്റ്റ് നടപടികൾ ആരംഭിച്ചു.