കാറും ലോറിയും കൂട്ടിയിടിച്ച് ഗുരുതര പരിക്കേറ്റ് ചികിത്സയിലിരിക്കെ സ്ത്രീ മരിച്ചു
1010 views
മലപ്പുറം വീഡിയോസ് സബ്സ്ക്രൈബ് ചെയ്യൂകുഞ്ഞംപടി വാഹനാപകടത്തിൽ പരിക്കേറ്റ് ചികിത്സയിലായിരുന്ന സ്ത്രീ മരിച്ചു.അരീക്കോട് കടുങ്ങല്ലൂർ സ്വദേശി സുഹ്റ(48 )ആണ് മരിച്ചത്. ഇക്കഴിഞ്ഞ വ്യാഴാഴ്ചയാണ് അപകടം ഉണ്ടായത്. എടവണ്ണ കൊയിലാണ്ടി സംസ്ഥാനപാതയിലെ കുഞ്ഞംപടിയിൽ വെച്ച് കാർ ലോറിയുമായി കൂട്ടിയിടിച്ചാണ് അപകടം ഉണ്ടായത്. സുഹറയും കുടുംബവും സഞ്ചരിച്ചിരുന്ന കാർ മുക്കം ഭാഗത്ത് നിന്നും വരികയായിരുന്നു, കുഞ്ഞംപടി കവലയിൽ വെച്ച് എതിർ ദിശയിൽ നിന്നും വന്ന ലോറിയുമായി കൂട്ടിയിടിക്കുകയായിരുന്നു. ശബ്ദം കേട്ട് ഓടിയെത്തിയ പ്രദേശവാസികൾ ഉടൻ തന്നെ അപകടത്തിൽപ്പെട്ടവരെ സമീപത്തെ സ്വകാര്യ ആശുപത്രിയിൽ എത്തിച്ചു. സുഹ്റ ഉൾപ്പടെ 12 പേരാണ് കാറിൽ ഉണ്ടായിരുന്നത്. ഇതിൽ നാലുപേർക്കാണ് ഗുരുതരമായ പരിക്കുകൾ പറ്റിയത്. സുഹ്റയ്ക്ക് തലയ്ക്കാണ് പരിക്കേറ്റത്. അരീക്കോട്ടെ സ്വകാര്യ ആശുപത്രിയിൽ വിദഗ്ധ ചികിത്സയിലിരിക്കവെയാണ് അന്ത്യം. അപകടത്തിൽ പരിക്കേറ്റ മൂന്നു വയസുള്ള കുട്ടി കോഴിക്കോട്ടെ സ്വകാര്യ ആശുപത്രിയിൽ ചികിത്സയിലാണ്.