ബദർ ദിനത്തിൽ ജീവ കാരുണ്യ പ്രവർത്തനങ്ങൾ നടത്തി വിശ്വാസികൾ
1003 views
മലപ്പുറം വീഡിയോസ് സബ്സ്ക്രൈബ് ചെയ്യൂമുസ്ലിം മത സമൂഹം ബദർ ദിനം ആചരിച്ചു. ബദർ യുദ്ധത്തിൻറെ ഓർമ പുതുക്കുന്ന ദിനമാണ് ബദർ ദിനം. തിന്മയുടെ മേൽ നന്മ, വിശ്വാസം എന്നിവ വിജയം കൊയ്ത ദിവസമായിട്ടാണ് ബദർ ദിനത്തെ മുസ്ലിം മത വിശ്വാസികൾ നോക്കിക്കാണുന്നത്. ബദർ ദിനത്തോടനുബന്ധിച്ച് വിവിധ മസ്ജിദുകളിൽ കൂട്ടമായി മൗലൂദ് പാരായണവും പ്രാർത്ഥനയും നടത്തി. ഹിജ്റ രണ്ടാം മാസം റമളാൻ 17 ന് മദീനക്കടുത്തുള്ള പ്രദേശമായ ബദറിലാണ് ബദർ യുദ്ധം നടന്നത്. ഈ യുദ്ധത്തെ ഓർമിച്ച് കൊണ്ടാണ് മുസ്ലിം മത വിശ്വാസികൾ ബദർ ദിനം ആചരിക്കുന്നത്. മദീനയ്ക്ക് അടുത്തുള്ള കുന്നും പ്രദേശമായ ബദറിൽ യുദ്ധം നടന്നതിൽ 14 പേരാണ് രക്തസാക്ഷികൾ ആയത്. ബദർ യുദ്ധത്തിൽ പങ്കെടുത്തവർക്ക് ഉയർന്ന പദവി നൽകി ആദരിച്ചിരുന്നു. സുന്നി പള്ളികൾ കേന്ദ്രീകരിച്ച് കൊണ്ട് വിവിധ അനുസ്മരണ പരിപാടികളും ബദർ ദിനത്തിൽ നടത്തി. ഒപ്പം വിവിധ പള്ളികളിൽ അന്നദാനവും നടന്നു. സുന്നി സംഘടനകൾ നാടെങ്ങും അനുസ്മരണ ചടങ്ങുകളും മജ്ലിസുന്നൂറും നടത്തുകയും ചെയ്തു. ഒപ്പം വിവിധ ജീവ കാരുണ്യ പ്രവർത്തനങ്ങളും ബദർ ദിനത്തോട് അനുബന്ധിച്ച് നടത്തി. കഴിഞ്ഞ ദിവസം പള്ളികളിൽ കൂട്ട മൗലൂദ് പാരായണവും പ്രാർത്ഥനയും നടത്തിയിരുന്നു. സ്വലാത്ത് നഗറിൽ നടന്ന ബദർ അനുസ്മരണ - ആത്മീയ സംഗമത്തിൽ ആയിരങ്ങൾ ഒത്തുചേർന്നു.