Mallika poo krishi: റോഡിൽ മാലിന്യം തള്ളുന്നത് തടയാൻ പൂന്തോട്ടം ഒരുക്കി ഒരു കൂട്ടം യുവാക്കൾ
1023 views
മലപ്പുറം വീഡിയോസ് സബ്സ്ക്രൈബ് ചെയ്യൂറോഡിലെ മാലിന്യ കൂമ്പാരത്തെ പൂന്തോട്ടമാക്കി മാറ്റി യുവാക്കൾ. റോഡിൽ മാലിന്യം തള്ളുന്നത് തടയുന്നതിനുവേണ്ടിയാണ് യുവാക്കൾ ഇത്തരത്തിലൊരു വേറിട്ട മാതൃക തീർത്തിരിക്കുന്നത്. ഇരിമ്പിളിയം പഞ്ചായത്തിലെ പുറമണ്ണൂർ ആറാം വാർഡിലെ റോഡിലാണ് മല്ലികപ്പൂക്കൾ വിരിയിച്ച് മനോഹര കാഴ്ച ഒരുക്കിയിരിക്കുന്നത്. ഈ ഭാഗത്ത് നേരത്തെ മാലിന്യം വലിച്ചെറിഞ്ഞും പുൽക്കാട് വളർന്നും കാൽ നടയാത്രക്കാർക്ക് നടക്കാൻ സാധിക്കുമായിരുന്നില്ല. ഇതോടെയാണ് പുറമണ്ണൂരിലെ സ്പാർക്ക്നസ്സ് ക്ലബ്ബിൻ്റെ നേതൃത്വത്തിൽ യുവാക്കൾ റോഡരികിലെ പുൽക്കാടുകൾ വെട്ടിമാറ്റി പൂന്തോട്ടം ഒരുക്കിയത്. ശേഷം റോഡിന്റെ ഒരു വശത്തായി നൂറു മീറ്ററിലധികം സ്ഥലത്ത് ചുവപ്പും മഞ്ഞയും നിറത്തിലുള്ള മല്ലികപ്പൂക്കൾ കൃഷി ചെയ്യാൻ ക്ലബ്ബ് അംഗങ്ങൾ തീരുമാനിക്കുകയായിരുന്നു. തുടർന്ന് ഈ ആശയം ഇവർ ഇരിമ്പിളിയം ഗ്രാമപഞ്ചായത്ത് വികസന കാര്യ സ്റ്റാൻ്റിംഗ് കമ്മറ്റി ചെയർമാനായ വി ടി അമീറിനോടു പങ്ക് വെച്ചപ്പോൾ മെമ്പറും അവരുടെ ഒപ്പം നിന്നു. ഇതോടെ മെമ്പറുടെ നേതൃത്വത്തിൽ ബംഗ്ലൂരിൽ നിന്നും ഇറക്കുമതി ചെയ്ത മുന്നൂറോളം തൈകളായിരുന്നു ആദ്യ ഘട്ടത്തിൽ വെച്ച് പിടിപ്പിച്ചത്. തുടർന്ന് ക്ലബ്ബിലെ അംഗങ്ങളുടെ നേതൃത്വത്തിൽ തന്നെ മികച്ച പരിപാലനം കൂടി നൽകിയതോടെ ചുരുങ്ങിയ സമയം കൊണ്ടാണ് മാലിന്യ കുപ്പ പൂന്തോട്ടമായി മാറിയത്.