Student Drowned Death: കുളിക്കാൻ ഇറങ്ങിയ വിദ്യാർഥി മുങ്ങി മരിച്ചു; മൂന്നുപേരെ രക്ഷിച്ചു
1012 views
മലപ്പുറം വീഡിയോസ് സബ്സ്ക്രൈബ് ചെയ്യൂകടലുണ്ടി പുഴയിൽ കുളിക്കാനിറങ്ങിയ വിദ്യാർഥി മുങ്ങി മരിച്ചു. ചെറുതൊടി അബ്ദുള്ളകുട്ടിയുടെ മകൻ ആരിഫുദ്ധീനാണു മുങ്ങി മരിച്ചത്. ഇന്ന് (തിങ്കളാഴ്ച) രാവിലെ 10 മണിയോടെയാണ് അപകടമുണ്ടായത്. സുഹൃത്തുക്കളായ നാലംഗ സംഘം കടലുണ്ടിപ്പുഴയിൽ കുളിക്കാൻ ഇറങ്ങിയപ്പോൾ ഒഴുക്കിൽപ്പെടുകയായിരുന്നുവെന്ന് നാട്ടുകാർ പറഞ്ഞു. പുഴയിൽ നിന്നും ശബ്ദം കേട്ട് പ്രദേശവാസികളെല്ലാം ഓടിയെത്തുകയായിരുന്നു. ഉടൻതന്നെ രക്ഷാപ്രവർത്തനം ആരംഭിച്ചെങ്കിലും ഒരാളെ രക്ഷിക്കാൻ സാധിച്ചില്ല. ഈ സമയം മലപ്പുറം അഗ്നിരക്ഷ സേന ഉദ്യോഗസ്ഥരും സംഭവസ്ഥലത്ത് എത്തിയിരുന്നു. തുടർന്ന് ഇവരെല്ലാം കൂടി പുഴയിൽ നടത്തിയ തിരച്ചിലിലാണ് മൂന്നുപേരെ രക്ഷപ്പെടുത്തിയത്. അപകട സമയം പുഴയിൽ നല്ല അടിയൊഴുക്ക് ഉണ്ടായിരുന്നു. ഇതാണ് അപകടകാരണം എന്നാണ് പ്രാഥമിക നിഗമനം