ഡ്രൈവറില്ലാതെ പിന്നോട്ടോടിയ വാഹനം സിനിമാ സ്റ്റൈലിൽ ബ്രേക്കിട്ട് യുവാവ്
നിർത്തിയിട്ട വാഹനം പിന്നോട്ടോടിയ സംഭവത്തിൽ രക്ഷകനായത് ഒരു യുവാവ്. കോട്ടക്കൽ ബീരാൻ സാഹിബ് റോഡിൽ ഇന്നലെ ഉച്ചയ്ക്കു ശേഷമായിരുന്നു സംഭവം. കാറിൽ കുടുംബാംഗങ്ങളെ ഇരുത്തി ഡ്രൈവർ ബാങ്കിൽ പോയ സമയത്താണ് കാർ വേഗത്തിൽ പിന്നോട്ടു പോയത്. ഈ സമയത്ത് ബൈക്കിലെത്തിയ യുവാവ് സിനിമാ സ്റ്റൈലിൽ വാഹനത്തിനുള്ളിലേക്ക് ചാടിക്കയറുകയും വാഹനം ബ്രേക്ക് ചെയ്യുകയുമായിരുന്നു. ഇതോടെ വലിയൊരു അപകടമാണ് ഒഴിവായത്. ഇതിന്റെ സിസിടിവി ദൃശ്യങ്ങൾ പുറത്തുവന്നു.malappuramTimesXP MalayalamUpdated: 6 Jun 2023, 10:21 pm