Arif Mohammed Khan: ഗവർണർക്കെതിരെ എസ്എഫ്ഐ കെട്ടിയ ബാനറുകൾ പോലീസ് നീക്കി
1022 views
മലപ്പുറം വീഡിയോസ് സബ്സ്ക്രൈബ് ചെയ്യൂഗവർണർക്കെതിരെ എസ്എഫ്ഐ സ്ഥാപിച്ച ബാനറുകൾ പോലീസ് നീക്കം ചെയ്തു. ഗവർണർ ആരിഫ് മുഹമ്മദ് ഖാന്റെ നിർദ്ദേശത്തെ തുടർന്നാണ് പോലീസ് നടപടി. കാലിക്കറ്റ് സർവകലാശാലയിൽ സ്ഥാപിച്ച ബാനറുകളാണ് ഗവർണർ നീക്കം ചെയ്തത്. ഇന്ന് രാവിലെ തന്നെ ബാനറുകൾ നീക്കം ചെയ്യാൻ ഗവര്ണര് വൈസ് ചാൻസലറോട് ആവശ്യപ്പെട്ടിരുന്നു. എന്നാൽ വൈകിട്ടും സർവകലാശാല ക്യാമ്പസിൽ എസ്എഫ്ഐയുടെ ബാനറുകൾ നീക്കം ചെയ്യാതെ വന്നതോടെയാണ് സംഭവത്തിൽ ഗവർണർ ക്ഷുഭിതനായത്.ഇതോടെ കനത്ത പോലീസ് സന്നാഹത്തോടെ ഗസ്റ്റ് ഹൗസിൽ നിന്ന് ബാനർ സ്ഥാപിച്ച ഇടങ്ങളിലേക്ക് ഗവർണർ എത്തുകയായിരുന്നു. തുടർന്ന് ജില്ലാ പോലീസ് മേധാവിയോട് കയർത്ത് സംസാരിക്കുകയും ബാനറുകൾ ഉടൻതന്നെ നീക്കം ചെയ്യാൻ ആവശ്യപ്പെടുകയായിരുന്നു. ഇതോടെ പോലീസ് ഉദ്യോഗസ്ഥർ എസ്എഫ്ഐയുടെ ബാനറുകൾ നീക്കം ചെയ്തത്. പിന്നാലെ ശക്തമായ പ്രതിഷേധവുമായി എസ്എഫ്ഐ പ്രവർത്തകരും രംഗത്തെത്തി. ബാനറുകൾ പോലീസ് നീക്കം ചെയ്താൽ തങ്ങൾ അത് അതേപടി വീണ്ടും കെട്ടുമെന്ന് എസ്എഫ്ഐ സംസ്ഥാന സെക്രട്ടറി പി.എം ആർഷോ മാധ്യമങ്ങളോട് പറഞ്ഞു.