നിർത്തിയിട്ട കാർ സ്വയം ഓടി കടയിലേക്ക് ഇടിച്ചു കയറി
പാർക്കിങിൽ നിർത്തിയിട്ട കാർ റോഡിലേക്കിറങ്ങി സമീപത്തെ കടയിലേക്ക് ഇടിച്ചു കയറി. എടപ്പാൾ പട്ടാമ്പി റോഡിൽ ആണ് സംഭവം. കടയിലെ ജീവനക്കാർ രക്ഷപെട്ടത് തലനാരിഴക്കാണ്. അപകടത്തിൻറെ സിസിടിവി ദൃശ്യം പുറത്ത്. വ്യാഴാഴ്ച ഉച്ചക്ക് 12 മണിയോടെ എടപ്പാൾ പട്ടാമ്പി റോഡിൽ ആണ് അപകടം സംഭവിച്ചത്. എടപ്പാൾ പട്ടാമ്പി റോഡിലെ പാർക്കിങ് സ്ഥലത്ത് നിർത്തിയിട്ട കാർ തിരക്കേറിയ പാതയിലേക്ക് ഇറങ്ങി വരികയായിരുന്നു. തുടർന്ന്, എതിർവശത്തെ കെട്ടിടത്തിൽ പ്രവർത്തിക്കുന്ന സിറ്റി ഒപ്റ്റിക്കൽ ഷോപ്പിലേക്കാണ് വാഹനം ഇടിച്ചു കയറിയത്. ഷോപ്പിലെ ഗ്ലാസ് തകർത്ത് കൗണ്ടർ വരേക്ക് എത്തിയ കാർ വീണ്ടും പിറകിലേക്ക് ഇറങ്ങി. നിരവധി കാൽനടയാത്രക്കാരും വാഹനങ്ങളും സഞ്ചരിക്കുന്ന റോഡിൽ അപകട സമയത്ത് വാഹനങ്ങൾ വരാതിരുന്നതും യാത്രക്കാർ ഇല്ലാതിരുന്നതും മൂലം വലിയ ദുരന്തമാണ് വഴി മാറിയത്. കാറിൻറെ മുന്നിലകപ്പെടാതെ സ്കൂട്ടർ യാത്രികൻ രക്ഷപ്പെടുന്നതും സി.സി.ടി.വി ദൃശ്യങ്ങളിൽ കാണാം.malappuramTimesXP MalayalamUpdated: 7 Apr 2023, 8:36 am