മകനെ വിട്ടുകിട്ടാനായി ഹേബിയസ് കോർപ്പസ് നൽകി അമ്മ
1020 views
മലപ്പുറം വീഡിയോസ് സബ്സ്ക്രൈബ് ചെയ്യൂഅന്യയമായി പോലീസ് തടങ്കലിലാക്കിയ മകനെ വിട്ടുകിട്ടുന്നതിനായി ഹൈക്കോടതിയിൽ ഹേബിയസ് കോർപ്പസ് ഫയൽചെയ്ത് മാതാവ്. മലപ്പുറം പരപ്പനങ്ങാടി പുത്തൻകടപ്പുറം സ്വദേശി പള്ളിച്ചിന്റെ പുരക്കൽ കുഞ്ഞാവയുടെ മകൻ റഹൂഫിനെ വിട്ടുകിട്ടാൻ വേണ്ടിയാണ് മാതാവ് സുലൈഖ ഹൈകോടതിയെ സമീപിച്ചത്. മകനെ പോലീസ് ആറുദിവസമായി അന്യായമായി തടങ്കലിൽ വെച്ചിരിക്കുകയാണ് എന്നാണ് ഇവരുടെ പരാതി. മാതാവ് നൽകിയ ഹേബിയസ് കോർപസ് ജസ്റ്റിസ് അലക്സാണ്ടർ തോമസ്, ജസ്റ്റിസ് സിയാദ് റഹ്മാൻ എന്നിവരുടെ ബെഞ്ച് തിങ്കളാഴ്ച പരിഗണിക്കും. കഴിഞ്ഞ മാസം 28നാണ് റഹൂഫിനെ പോലീസ് പരപ്പനങ്ങാടിയിലുള്ള അദ്ദേഹത്തിന്റെ ഷോപ്പിൽ നിന്നും പിടിച്ചു കൊണ്ട് പോയത്. മകനെ സ്ഥിരം കുറ്റവാളിയായി ചിത്രീകരിക്കാൻ പരപ്പനങ്ങാടി പോലീസ് സ്റ്റേഷനിൽ ഉൾപ്പെടെ ചില പോലീസുകാർ ബോധപൂർവ്വമായ ശ്രമം നടത്തി വന്നിരുന്നെന്നും, മകനോട് ശത്രുതാ പരമായ രീതിയിൽ പെരുമാറി വന്നിരുന്നെന്നും, വീട്ടിൽ അസമയത്തടക്കം നിരന്തരം വന്നു ബുദ്ധിമുട്ടിച്ചിരുന്നെന്നും ഇവർ പരാതിയിൽപറയുന്നു. മകനെ കേസിൽകുടുക്കുമെന്ന് പോലീസ് തങ്ങളോട് പറഞ്ഞിരുന്നുവെന്ന് പിതാവ് പള്ളിച്ചിന്റെ പുരക്കൽ കുഞ്ഞാവ പറഞ്ഞു.