നായയെ ബൈക്കിൽ കെട്ടിവലിച്ച് ക്രൂരത
1023 views
മലപ്പുറം വീഡിയോസ് സബ്സ്ക്രൈബ് ചെയ്യൂനായയെ ബൈക്കിനു പിന്നിൽ കെട്ടി വലിച്ചിഴച്ചു ക്രൂരത. മലപ്പുറത്ത് ചുങ്കത്തറ പഞ്ചായത്തിലെ പുലിമുണ്ടയിൽ തിങ്കളാഴ്ച രാത്രി പതിനൊന്നരയോടെയാണ് സംഭവം. ഈ സംഭവം കണ്ട യുവാവ് പകർത്തിയ ദൃശ്യങ്ങൾ സമൂഹമാധ്യമങ്ങളിലൂടെ പുറത്തുവന്നു. വീഡിയോ 'അനു നവൂരി' എന്ന ഇൻസ്റ്റഗ്രാം ഐഡിയിലാണ് പോസ്റ്റ് ചെയ്തിരിക്കുന്നത്. 'ഇന്ന് എന്റെ മനസിനെ അത്രയധികം വേദനിപ്പിച്ച കാഴ്ചയാണിത്. കണ്ടുനിൽക്കാനാകില്ല, മിണ്ടാപ്രാണിയെ ബൈക്കിൽ കെട്ടി വലിച്ചിഴക്കുന്ന കാഴ്ച' എന്നു പറഞ്ഞാണ് വീഡിയോ പോസ്റ്റ് ചെയ്തിരിക്കുന്നത്. ബൈക്ക് നിർത്താൻ ആവശ്യപ്പെട്ടിട്ടും അതിനു കൂട്ടാക്കിയില്ലെന്നും പോസ്റ്റിൽ പറയുന്നു. കൈകൊണ്ട് തൊടാൻ പറ്റാത്ത സാഹചര്യത്തിലായതിനാൽ ആണ് നായയെ ഇങ്ങനെ കൊണ്ടുപോകുന്നതെന്ന് ബൈക്കുകാരൻ പറയുന്നത് ദൃശ്യങ്ങളിൽ കേൾക്കാം.