Muslim League: തങ്ങൾ കുടുംബത്തിലെ മരുമകൻ നവകേരള സദസ്സിൽ
മലപ്പുറം വീഡിയോസ് സബ്സ്ക്രൈബ് ചെയ്യൂ
മുസ്ലിം ലീഗ് മുൻ സംസ്ഥാന അധ്യക്ഷൻ ഹൈദരലി ശിഹാബ് തങ്ങളുടെ മരുമകൻ നവകേരള സദസ്സിൽ. തിരൂരിൽ നടന്ന ആദ്യ നവകേരള പ്രഭാത സദസ്സിലാണ് അദ്ദേഹം എത്തിയത്. ഇത് മലപ്പുറം ജില്ലയിലെ മുസ്ലീം ലീഗിനെ സംബന്ധിച്ചിടത്തോളം വലിയ തിരിച്ചടിയാണ്. കെ-റെയിൽ പദ്ധതി യാഥാർത്ഥ്യമാക്കണമെന്ന ആവശ്യവുമായാണ് എത്തിയതെന്ന് തിരൂർ പൂക്കയിൽ സ്വദേശി ഹസീബ് തങ്ങൾ പറഞ്ഞു. രാഷ്ട്രീയപരമായി ഭിന്നാഭിപ്രായങ്ങളുണ്ട്. എങ്കിലും ജനാധിപത്യ രീതിയിൽ തിരഞ്ഞെടുത്ത സർക്കാർ നടത്തുന്ന പരിപാടിയെ ബഹിഷ്കരിക്കുന്നതിൽ അർത്ഥമില്ലെന്നും അദ്ദേഹം പറഞ്ഞു. നിരവധി റെയിൽ ഗതാഗത പദ്ധതികൾ ചെറുപ്പകാലം മുതൽ കേൾക്കുന്നതാണ്. പലതും ഇന്നും യാഥാർത്ഥ്യമായിട്ടില്ല. 2017ൽ പ്രകടന പത്രികയിൽ പറഞ്ഞ അതിവേഗ പാതയെക്കുറിച്ച് അറിയാനാണ് പ്രഭാത സദസ്സിൽ എത്തിയത്. മുഖ്യമന്ത്രിയുമായി ഈ വിഷയം ചർച്ച ചെയ്തു. തിരൂരിന് പ്രത്യേകിച്ചും ഏറെ ഗുണകരമാകുന്ന കെ-റെയിൽ പദ്ധതി നടപ്പിലാക്കുമെന്ന് കരുതുന്നതായും ഹസീബ് തങ്ങൾ പറഞ്ഞു.