വീട്ടമ്മമാരുടെ സ്വര്ണ്ണമാല കവരുന്ന അന്തര്ജില്ലാ കവര്ച്ച തലവന് പിടിയിൽ
1011 views
മലപ്പുറം വീഡിയോസ് സബ്സ്ക്രൈബ് ചെയ്യൂവീട്ടമ്മമാരുടെ സ്വര്ണ്ണമാല കവരുന്ന അന്തര്ജില്ലാ കവര്ച്ച തലവന് പോലീസിന്റെ പിടിയിലായി. കഴിഞ്ഞ മാസം 27 ന് ഉണ്ടായ സംഭവമാണ് കേസിനാധാരം. വൈകിട്ട് ജോലി കഴിഞ്ഞ് വീട്ടിലേക്ക് നടന്നു പോവുകയായിരുന്ന വീട്ടമ്മയുടെ മൂന്നരപ്പവന് തൂക്കം വരുന്ന സ്വര്ണ്ണ മാല മലപ്പുറം മേല്മുറിയില് വെച്ച് ഇരുചക്ര വാഹനത്തില് വന്ന് പൊട്ടിച്ച് കടന്നു കളയുകയായിരുന്നു. ഈ കേസിലാണ് കോഴിക്കോട് മീന്ജന്ത സ്വദേശി മുഹമ്മദ് താലിഫിനെ അറസ്റ്റ് ചെയ്തത്. ഇയാളെ ചോദ്യം ചെയ്തതില് നിരവധി കേസുകള്ക്കാണ് തുമ്പ് ലഭിച്ചത്. ഇയാൾ കോഴിക്കോട് റെയില്വേ മേല്പ്പാലത്തിന് സമീപം കോഴിക്കട നടത്തിവരികയാണ്. ഇരുചക്ര വാഹനത്തില് കറങ്ങിനടന്നു ഒറ്റയ്ക്ക് നടന്നു പോകുന്ന സ്ത്രീകളെ കണ്ടെത്തി കഴുത്തിലണിയുന്ന മാല പൊട്ടിച്ച് കടന്നു കളയുകയാണ് ഇയാളുടെ പതിവ്.