ഫിറ്റ്നസില്ലാത്ത സ്കൂൾ വാഹനങ്ങൾക്കെതിരെ മോട്ടോർ വാഹന വകുപ്പിന്റെ നടപടി
1013 views
മലപ്പുറം വീഡിയോസ് സബ്സ്ക്രൈബ് ചെയ്യൂമലപ്പുറത്ത് ഫിറ്റ്നസില്ലാതെ വിദ്യാർത്ഥികളെ കൊണ്ടുപോയ സ്കൂൾ വാഹനങ്ങൾക്കെതിരെ മോട്ടോർ വാഹന വകുപ്പ് നടപടിയെടുത്തു. സ്കൂൾ കുട്ടികളുടെ സുരക്ഷിതയാത്രയ്ക്ക് യാതൊരു വിലയും കൽപ്പിക്കാതെ കുട്ടികളെ കൊണ്ടുപോകുന്ന സ്കൂൾ വാഹനത്തിന് എതിരെയാണ് നടപടി. ഫിറ്റ്നസ് എടുക്കാതെ നിരത്തിലിറങ്ങിയ ചെറുവാടിയിലെ സ്കൂൾ ബസാണ് ഓമാനൂർ വെച്ച് കൊണ്ടോട്ടി മോട്ടോർ വാഹന ഉദ്യോഗസ്ഥർ പിടികൂടിയത്. അധ്യയന വർഷം ആരംഭിക്കുന്നതിന് മുന്നോടിയായുള്ള പരിശോധനയ്ക്ക് ഹാജരാക്കാത്ത സ്കൂൾ ബസുകൾ സർവീസ് നടത്തുന്നത് ശ്രദ്ധയിൽപ്പെട്ട സാഹചര്യത്തിലാണ് പരിശോധനയുമായി ഉദ്യോഗസ്ഥർ നിരത്തിലിറങ്ങിയത്. വാഹനം ഉദ്യോഗസ്ഥർ പരിശോധനയ്ക്ക് വിധേയമാക്കിയപ്പോൾ ജിപിഎസ്, സ്പീഡ് ഗവർണർ എന്നിവ ഇല്ലായിരുന്നു. വാഹന ഉടമയായ സ്കൂൾ പ്രിൻസിപ്പൽനെതിരെയും മോട്ടോർ വാഹന വകുപ്പ് നടപടി സ്വീകരിച്ചു.