Mariyamma 116th Birthday: 127 പേരമക്കളുമായി 116-ാം പിറന്നാള് ആഘോഷിച്ച് മുത്തശ്ശി
1016 views
മലപ്പുറം വീഡിയോസ് സബ്സ്ക്രൈബ് ചെയ്യൂഫ്രീക്ക് ലുക്കിൽ അഞ്ച് തലമുറയ്ക്കൊപ്പം 116-ാം പിറന്നാള് ആഘോഷിച്ച് മുത്തശ്ശി. മലപ്പുറം മേലാറ്റൂരിലെ മറിയാമ്മയുടെ പിറന്നാളാണ് മക്കൾ ആഘോഷപൂർവ്വം നടത്തിയത്. പുതിയ തലമുറയുടെ ട്രെന്റിനൊപ്പം തന്നെ ഫ്രീക്ക് ലുക്കില് ചെറുപുഞ്ചിരിയുമായാണ് ആഘോഷത്തിന് മറിയാമ്മച്ചി വേദിയിലെത്തിയത്. കൃത്യനിഷ്ടയോടെയുള്ള ജീവിതമാണ് മുത്തശ്ശിയുടെ ആരോഗ്യ രഹസ്യമെന്നാണ് മക്കള് പറയുന്നത്. പ്രായം ഇത്രയായെങ്കിലും ഒരു തെരഞ്ഞെടുപ്പിലും മറിയാമ്മച്ചി വോട്ട് ചെയ്യാതിരിക്കില്ല. വോട്ടവകാശം പൗരന്റെ അവകാശമാണെന്നും അതു ചെയ്യണമെന്നും 116-ാം വയസിലും മറിയാമ്മച്ചി പറഞ്ഞു. തെരഞ്ഞെടുപ്പുമായി ബന്ധപ്പെട്ട വാര്ത്തകള് വന്നു തുടങ്ങിയാല് എന്നാണ് വോട്ടെന്നും ഇതിനു തന്നെകൊണ്ടുപോകുന്നതിന്റെ ആവശ്യകതയും മക്കളോട് വിവരിക്കും. വോട്ട് ചെയ്യാതിരിക്കാന് അമ്മച്ചിക്ക് കഴിയില്ലെന്നും ചെറുമകന് ജോസ് പാപ്പാലില് പറഞ്ഞു. 1908ല് എറണാകുളം മൂവാറ്റുപുഴയില് ജനിച്ച മറിയാമ്മ വിവാഹശേഷം ഭര്ത്താവിനും മക്കള്ക്കുമൊപ്പം മലബാറിലേക്ക് കുടിയേറുകയായിരുന്നു. ആശുപത്രികളും ഡോക്ടര്മാരുമില്ലാത്ത കാലത്ത് നിരവധി ഗര്ഭിണികളെ ശുശ്രൂഷിച്ച വയറ്റാട്ടിയായിരുന്നു മറിയാമ്മ. അടുത്തിടെ വീഴ്ചയില് പരിക്കേറ്റതിനാല് നടക്കാന് ബുദ്ധിമുട്ടുണ്ടെങ്കിലും ഭക്ഷണം കഴിക്കുന്നതിനടക്കം ആരുടെയും സഹായം വേണ്ട മറിയാമ്മയ്ക്ക്. മക്കളും കൊച്ചുമക്കളുമടക്കം 127 പേരാണ് ഇന്ന് കുടുംബത്തിലുള്ളത്.