മകളുടെ നിക്കാഹിനുള്ള ഒരുക്കങ്ങളെല്ലാം പൂര്ത്തിയാക്കി; പിതാവ് അപകടത്തില് മരിച്ചു
1080 views
മലപ്പുറം വീഡിയോസ് സബ്സ്ക്രൈബ് ചെയ്യൂമകളുടെ നിക്കാഹിനുള്ള ഒരുക്കങ്ങളെല്ലാം പൂര്ത്തിയാക്കിയ ഓട്ടോഡ്രൈവറായ പിതാവ് അപകടത്തില് മരിച്ചു. ഇന്നാണ് അഞ്ചു മക്കളില് ഏക മകളായ റിന്ഷ മറിയത്തിന്റെ നിക്കാഹ് നടക്കേണ്ടിയിരുന്നത്. നാല് ആണ്മക്കളും ഒരു മകളും ഭാര്യയും ഉള്പ്പെടെ ആറംഗ കുടുംബം. നിക്കാഹിനുള്ള എല്ലാ ഒരുക്കങ്ങളും മജീദ് പൂര്ത്തിയാക്കിയിരുന്നു. ഇന്ന് റിന്ഷയെ മറ്റൊരാള്ക്ക് കൈപിടിച്ചു ഏല്പ്പിക്കാനിരിക്കെയാണ് മജീദ് അപകടത്തിൽ മരണപ്പെട്ടത്. വര്ഷങ്ങളായി മഞ്ചേരിയില് ഓട്ടോ ഓടിക്കുന്ന മജീദ് നാട്ടുകാർക്ക് ഏറെ പ്രിയങ്കരനാണ്. മജീദിന്റെ മരണം ബന്ധുക്കള്ക്കും സുഹൃത്തുക്കള്ക്കുമൊന്നും ഇതുവരെ വിശ്വസിക്കാൻ സാധിച്ചിട്ടില്ല. മകളുടെ നിക്കാഹിന് സുഹൃത്തുക്കളെ ക്ഷണിച്ചുകൊണ്ടു വാട്സ്ആപ്പ് ഗ്രൂപ്പിലേക്ക് മജീദ് കഴിഞ്ഞ ദിവസം അയച്ച ശബ്ദ സന്ദേശം കേട്ട് സുഹൃത്തുക്കളുടെ കണ്ണ് നിറഞ്ഞു. മകളുടെ വിവാഹത്തിന് സുഹൃത്തഒക്കളെ ക്ഷണിച്ചുകൊണ്ടു ശബ്ദസന്ദേശമായിരുന്നു അത്. ഇന്നലെ മഞ്ചേരി ചെട്ടിയങ്ങാടിയില് ശബരിമല തീര്ഥാടകര് സഞ്ചരിച്ച ബസും മജീദ് ഓടിച്ച ഓട്ടോറിക്ഷയും കൂട്ടിയിടിച്ച് അഞ്ചുപേരാണ് മരിച്ചത്. അബ്ദുല് മജീദ്, മുഹ്സിന, സഹോദരി കരുവാരക്കുണ്ട് തസ്നീമ, മക്കളായ റൈഹ ഫാത്തിമ, റിന്ഷാ ഫാത്തിമ എന്നിവരാണ് മരിച്ചത്. മുഹ്സിനയുടെ മക്കളായ മുഹമ്മദ് നഷാദ്, ഫാത്തിമ ഹസ, മുഹമ്മദ് അഹ്സാന്, തസ്നീമയുടെ മകളായ മുഹമ്മദ് റിഷാമ എന്നിവര്ക്കാണ് പരിക്കേറ്റത്. പ്രാഥമിക ചികില്സക്ക് ശേഷം ഇവരെ മഞ്ചേരിയില് നിന്ന് കോഴിക്കോട് മെഡിക്കല് കോളേജിലേക്ക് മാറ്റി. വെള്ളിയാഴ്ച വൈകിട്ട് അഞ്ചരയോടെയാണ് അപകടം നടന്നത്.