കോഴിപ്പാറ വെള്ളച്ചാട്ടത്തിൽ മലവെള്ളപ്പാച്ചിൽ
1004 views
മലപ്പുറം വീഡിയോസ് സബ്സ്ക്രൈബ് ചെയ്യൂകോഴിപ്പാറ വെള്ളച്ചാട്ടത്തിൽ അപ്രതീക്ഷതമായി മലവെള്ളപ്പാച്ചിൽ. ബുധനാഴ്ച ഉച്ചയ്ക്ക് ശേഷമാണ് കോഴിപ്പാറ വെള്ളച്ചാട്ടത്തിൽ അപ്രതീക്ഷിതമായി വലിയ ശക്തിയിൽ വെള്ളം ഒഴുകിയെത്തിയത്. അതേസമയം വിനോദസഞ്ചാരികൾ ഇല്ലാത്തത് വൻ അപകടം ഒഴിവാക്കി. പന്തീരായിരം ഉൾവനത്തിലെ വെള്ളരിമലയിൽ നിന്ന് ഉത്ഭവിക്കുന്ന കുറുവൻ പുഴയിലുണ്ടായ മലവെള്ളപാച്ചിലാണ് കുറുവൻ പുഴയുടെ കോഴിപ്പാറ ഭാഗത്തും മലവെള്ളപാച്ചിലിന് ഇടയാക്കിയത്. ഉൾവനത്തിൽ പെയ്ത ശക്തമായ മഴയെ തുടർന്നാകാം പെട്ടന്ന് മലവെള്ളപ്പാച്ചിൽ ഉണ്ടായത് എന്നാണ് നിഗമനം. വറ്റിവരണ്ട് കിടന്ന കുറുവൻ പുഴയിൽ ആണ് പെട്ടന്ന് മലവെള്ളം ഒഴുകിയെത്തിയത്. ഇതോടെ പ്രദേശവാസികളും വലിയ രീതിയിൽ ആശങ്കയിലായി. തുടർന്ന്, ഒരു മണിക്കൂറിനു ശേഷമാണ് ഈ കുത്തിയൊഴുക്ക് നിന്നത്. സാധാരണ ദിവസങ്ങളിൽ നിരവധി വിനോദസഞ്ചാരികളാണ് വെള്ളച്ചാട്ടം കാണാൻ ഇവിടെ എത്തുന്നത്. എന്നാൽ, വെള്ളം പൂർണമായി വറ്റിവരണ്ടതും റംസാൻ ആയതുകൊണ്ടും മലവെള്ളപ്പാച്ചിൽ ഉണ്ടായ സമയം ആരും തന്നെ വെള്ളച്ചാട്ടത്തിൽ ഉണ്ടായിരുന്നില്ല. ഇത് വലിയ അപകടമാണ് ഒഴിവാക്കിയത്.