Independence Day Celebration: പ്രഭാതഭേരിയോടെ ഇത്തവണയും മലപ്പുറത്ത് സ്വാതന്ത്ര്യ ദിനാഘോഷം
1040 views
മലപ്പുറം വീഡിയോസ് സബ്സ്ക്രൈബ് ചെയ്യൂരാജ്യത്തിൻറെ എഴുപത്തിയേഴാം സ്വാതന്ത്ര്യ ദിനം മലപ്പുറം ജില്ലയിൽ വിപുലമായി ആഘോഷിച്ചു. ജില്ലാതല സ്വാതന്ത്ര്യദിനാഘോഷ പരിപാടിയുടെ ഭാഗമായി മലപ്പുറം എം.എസ്.പി ഗ്രൗണ്ടില് നടന്ന പരേഡില് മന്ത്രി വി. അബ്ദുറഹിമാന് അഭിവാദ്യം സ്വീകരിച്ചു. മലപ്പുറം നഗരസഭാ പരിധിയിലെ വിവിധ വിദ്യാലയങ്ങളില് നിന്നുള്ള കുട്ടികള് പങ്കെടുക്കുന്ന പ്രഭാതഭേരിയോടെയാണ് പതിവ് പോലെ ഈ തവണയും ജില്ലയിൽ ആഘോഷങ്ങള്ക്ക് തുടക്കമായത്. സിവില്സ്റ്റേഷനിലുള്ള യുദ്ധസ്മാരകത്തില് പുഷ്പാര്ച്ചന നടത്തി മന്ത്രി വി. അബ്ദുറഹിമാന് പരേഡ് ഗ്രൗണ്ടിലെത്തി പതാക ഉയര്ത്തി. തുടർന്ന് വിവിധ സേനാ വിഭാഗങ്ങളുടെയും എന്.സി.സി, എസ്.പി.സി, സ്കൗട്ട്സ് ആന്റ് ഗൈഡ്സ്, ജൂനിയര് റെഡ് ക്രോസ് വിഭാഗത്തിന്റെ 38 പ്ലാറ്റൂണുകള് അണിനിരന്നു. അതേസമയം ജില്ലയുടെ വിവിധ ഭാഗങ്ങളിലായി സ്വാതന്ത്ര്യ ദിനത്തിൻറെ ഭാഗമായി വിവിധ പരിപാടികളാണ് സംഘടിപ്പിച്ചത്.