ലൈംഗികാവശ്യം നിരാകരിച്ചു; ഭാര്യയെ കൊലപ്പെടുത്തി
1014 views
മലപ്പുറം വീഡിയോസ് സബ്സ്ക്രൈബ് ചെയ്യൂമലപ്പുറം ഏലംകുളത്ത് ഭാര്യയെ ഭർത്താവ് കൊലപ്പെടുത്തിയത് ലൈംഗികാവശ്യം നിരാകരിച്ചതിനെത്തുടർന്ന്. പരപുരുഷബന്ധം ആരോപിച്ച് ശ്വാസംമുട്ടിച്ച് കൊലപ്പെടുത്തുകയായിരുന്നു. ഏലംകുളം സ്വദേശി ഫാത്തിമ ഫഹ്നയാണ് കൊല്ലപ്പെട്ടത്. സംഭവത്തിൽ ഭർത്താവായ മണ്ണാര്ക്കാട് സ്വദേശി മുഹമ്മദ് റഫീഖിനെ ഇന്നലെ കസ്റ്റഡിയിലെടുത്തു. അറസ്റ്റ് ചെയ്ത് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു. അർദ്ധരാത്രി ഇവരുടെ മുറിയിൽ ബഹളം കേട്ട് ഉണർന്ന ഫഹ്നയുടെ മാതാവ് ചെന്ന് നോക്കിയപ്പോൾ കണ്ടത് കൈകാലുകൾ ബന്ധിച്ച് വായിൽ തുണി തിരുകിയ നിലയിലുള്ള ഫഹ്നയെ ആയിരുന്നു. ഫഹ്നയെ ഉടന് ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റ്മോര്ട്ടം റിപ്പോര്ട്ടില് ശ്വാസം മുട്ടിച്ച് കൊലപ്പെടുത്തിയതാണെന്ന് തെളിഞ്ഞതിനെ തുടർന്നാണ് ഇയാളെ അറസ്റ്റ് ചെയ്തത്.