മലപ്പുറത്ത് 36 ലക്ഷം രൂപയുടെ കുഴൽപ്പണവുമായി രണ്ടുപേർ പിടിയിൽ
മലപ്പുറം വീഡിയോസ് സബ്സ്ക്രൈബ് ചെയ്യൂ
മലപ്പുറം അരീക്കോട് പോലീസ് സ്റ്റേഷൻ പരിസരത്ത് നടത്തിയ പരിശോധനയിൽ 36 ലക്ഷം രൂപയുടെ കുഴൽപ്പണവുമായി രണ്ടുപേർ പിടിയിൽ. കോഴിക്കോട് ഓമശ്ശേരി സ്വദേശി മുഹമ്മദ് ഷാഫി (32), മലപ്പുറം സ്വദേശി അശിഷ് ബാബു (44) എന്നിവരെയാണ് അരീക്കോട് എസ്എച്ച്ഒഎം. അബ്ബാസലിയുടെ നേതൃത്വത്തിൽ പിടികൂടിയത്. മലപ്പുറം ജില്ലാ പോലീസ് മേധാവി എസ് സുജിത്ത് ദാസ് ഐപിഎസിന് ലഭിച്ച രഹസ്യ വിവരത്തെ തുടർന്നായിരുന്നു പരിശോധന. പത്തനാപുരം തേക്കിൻ ചുവട് നടത്തിയ പരിശോധനയിലാണ് സ്വിഫ്റ്റ് കാറിൽ വെച്ച് മുഹമ്മദ് ഷാഫി നിന്ന് 26,31000 രൂപ പിടികൂടിയത്. തുടർന്ന് നടത്തിയ പരിശോധനയിലാണ് കിളിക്കല്ലിങ്ങൽ വെച്ച് അശിഷ് ബാബുവിൽ നിന്ന് പത്തുലക്ഷം രൂപ പിടികൂടിയത്. ഇയാൾ ഈ തുക ബൈക്കിൽ രഹസ്യമായി കടത്താൻ ശ്രമിക്കുന്നതിനിടയിലാണ് പിടിയിലായത്. സംഭവത്തിൽ രണ്ടു പേർക്കെതിരെയും പോലീസ് കേസ് രജിസ്റ്റർ ചെയ്തിട്ടുണ്ട്. ഇരുവരും പണം കടത്താൻ ഉപയോഗിച്ച കാറും ബൈക്കും പോലീസ് കസ്റ്റഡിയിലെടുത്തു. രണ്ടുപേരും 500 രൂപയുടെ നോട്ടുകെട്ടുകൾ ആക്കിയാണ് പണം കടത്താൻ ശ്രമിച്ചത്. അതേസമയം പിടികൂടിയ പണം തുടർനടപടികൾ പൂർത്തിയാക്കി മഞ്ചേരി കോടതിയിൽ ഹാജരാക്കും എന്നും അരീക്കോട് എസ്എച്ച്ഒ എം അബാസലി പറഞ്ഞു. ശേഷം കേസ് എൻഫോയിസ്മെന്റ് വിഭാഗത്തിന് കൈമാറും