North Region Boat Race: ഉത്തര മേഖല ജലോത്സവം കപ്പടിച്ച് മൈത്രി വെട്ടുപാറ
1012 views
മലപ്പുറം വീഡിയോസ് സബ്സ്ക്രൈബ് ചെയ്യൂകീഴുപറമ്പ് ഇരുപത്തി രണ്ടാമത് ഉത്തര മേഖല ജലോത്സവത്തിൽ വാശിയേറിയ ഫൈനൽ മത്സരത്തിൽ കപ്പടിച്ച് മൈത്രി വെട്ടുപാറ. രണ്ടാം സ്ഥാനം സി.കെ.ടി.യു ചെറുവാടിയും മൂന്നാം സ്ഥാനം- കളേഴ്സ് പഴം പറമ്പും സ്വന്തമാക്കി. മലപ്പുറം കോഴിക്കോട് ജില്ലകളിൽ നിന്നുള്ള പ്രഗൽഭരായ 12 ടീമുകളാണ് ഇത്തവണ മത്സരത്തിനെത്തിയത്. മലപ്പുറം ജില്ലാ പഞ്ചായത്തിന്റെ സഹകരണത്തോടെ കീഴുപറമ്പ് സി.എച്ച് ക്ലബും ജില്ലാ ടൂറിസം പ്രമോഷൻ കൗൺസിലും നെഹ്റു യുവ കേന്ദ്രയും സംയുക്തമായാണ് ജലോത്സവം സംഘടിപ്പിച്ചത്. ഒമ്പത് അംഗങ്ങൾ തുഴയുന്ന ചെറുവള്ളങ്ങളുടെ ആവേശ മത്സരങ്ങൾ കാണാൻ ആയിരങ്ങളാണ് ചാലിയാറിന്റെ ഇരുകരകളിലേക്കായി ഒഴുകിയെത്തിയത്. ഒടുവിൽ ഫൈനൽ മത്സരത്തിനുള്ള വിസിൽ വൈകിട്ട് മുഴങ്ങിയതോടെ ആവേശം ഇരട്ടിയായി. മലബാറിലെ ഏറ്റവും വലിയ ജലോത്സവമായ സി.എച്ച് ഉത്തരമേഖലാ ജലോത്സവത്തെ ചാലിയാറിലെ വേൾഡ്കപ്പ് എന്നാണ് ജലോത്സവ പ്രേമികൾക്കിടയിൽ അറിയപ്പെടുന്നത്.