Malabar Tourism: കോടമഞ്ഞിൽ അതിമനോഹരമായി കക്കാടംപൊയിലിലെ കുരിശുമല
1468 views
മലപ്പുറം വീഡിയോസ് സബ്സ്ക്രൈബ് ചെയ്യൂമലബാറിലെ ഗവിയെറിയപ്പെടുന്ന കക്കാടംപൊയിലിലെ കുരിശുമല ഇപ്പോൾ വിനോദസഞ്ചാരികളുടെ ഇഷ്ടകേന്ദ്രമായി മാറിയിരിക്കുകയാണ്. കടൽ നിരപ്പിൽനിന്ന് 2200 അടി ഉയരമുള്ള പശ്ചിമഘട്ട മലനിരകളിൽസ്ഥിതിചെയ്യുന്ന ഈ മലയിലേക്ക് പ്രതിദിനം നിരവധി സഞ്ചാരികളാണ് എത്തുന്നത്. ഈ മലകയറി ഇവിടെയെത്തിയാൽ ഓരോ സഞ്ചാരിയെയും കാത്തിരിക്കുന്നത് കണ്ണിനു കുളിർമയേകുന്ന നിരവധി കാഴ്ചകളാണ്. ഇതിൽ കോടമഞ്ഞിൽ മൂടികിടക്കുന്ന പച്ച പരവതാനി വിരിച്ച പശ്ചിമഘട്ട മലനിരകളും, മലയുടെ താഴ്വരയിലെഗ്രാമക്കാഴ്ചയും ഹരിത ഭംഗിയും ചെറിയ കാട്ടരുവികളും ഉൾപ്പെടുന്നു.മലബാറിലെ ഊട്ടിയെന്നും ഗവിയെന്നും വിശേഷിപ്പിക്കുന്ന ഈ പ്രദേശത്ത് പ്രതിദിനം നിരവധി പേരാണ് സന്ദർശനത്തിനെത്തുന്നത്. അവധി ദിവസങ്ങളിലാണ് പ്രധാനമായും സഞ്ചാരികൾ ദൂരെദിക്കുകളിൽനിന്നും ഉൾപ്പടെ ഈ കുരിശുമലയുടെ പ്രകൃതിഭംഗി ആസ്വദിക്കാനെത്തുന്നതെന്ന് കക്കാടംപൊയിലെ മലയോരനിവാസികൾ പറയുന്നു. പ്രധാനമായും യുവതി യുവാക്കളാണ് ദൂര ദിക്കിൽനിന്നുൾപ്പെടെ ഇവിടെ എത്തുന്നത്. ഇതിൽ കുടുംബങ്ങളായി എത്തുന്നവരും ഏറെയാണ്. ഇവിടെ ഇങ്ങനെ എത്തുന്നവർ സമൂഹമാധ്യമങ്ങളിലൂടെ പങ്കുവെക്കുന്ന ദൃശ്യങ്ങളുടെ ഭംഗിയാണ് ഇങ്ങോട്ടുള്ള വിനോദസഞ്ചാരികളുടെ ഒഴുക്ക് കൂടാൻ ഇടയാക്കിയത്.മലപ്പുറം, കോഴിക്കോട് ജില്ലകളിലെ ചാലിയാർ, കൂടരഞ്ഞി, ഊർങ്ങാട്ടിരി പഞ്ചായത്തുകളുടെ അതിരുപങ്കിടുന്ന പ്രദേശത്താണ് ഈ മല സ്ഥിതി ചെയ്യുന്നത്. റോഡിൽനിന്ന് ഏകദേശം ഒരു കിലോമീറ്ററിൽ കൂടുതൽ നടന്നു വേണം മലയുടെ മുകളിൽ എത്താൻ. ജീപ്പും ആഡംബര ബൈക്കുകളും അത്യാവശ്യം മലയുടെ അടുത്തുവരെയെത്തും. വാഹനത്തിൽ ഇവിടെ എത്തുക വളരെ ബുദ്ധിമുട്ടുതന്നെയണ്. അതുകൊണ്ടുതന്നെ കാൽനടയായാണ് പലരും മല കയറുന്നത്. ഇത്തരത്തിൽ മലകയറുന്നതാണ് ട്രക്കിങ്ങിന്റെ ആവേശമെന്നും സഞ്ചാരികൾ പറയുന്നു.രണ്ടു തട്ടുകളായാണ് മലയുള്ളത്. ആദ്യതട്ടിലാണ് കുരിശ് സ്ഥിതി ചെയ്യുന്നത്. ഇവിടെയാണ് കുടുംബമായി എത്തുന്നവർ കൂടുതലായും സന്ദർശനം നടത്തുന്നത്.യുവാക്കളാണ് ഏറ്റവും ഉയരത്തിലുള്ള രണ്ടാമത്തെ മലയിൽ കയറുന്നത്. ഇതിനു മുകളിൽ കയറിയാൽ പച്ചപരവതാനുവിരിച്ച പശ്ചിമഘട്ട മലനിരകളിലെ നിരവധി കാഴ്ചകളാണ് സമ്മാനിക്കുന്നത്. ആകാശത്ത് മഴക്കാർ എത്തിയാൽ മലയും വലിയ രീതിയിൽ കോടമഞ്ഞിൻ പുതയും. ഇതുതന്നെയാണ് സഞ്ചാരികളെ ഇങ്ങോട്ട് കൂടുതലായി ആകർഷിക്കാൻ ഇടയാക്കുന്നത്. കുരിശുമല സ്ഥിതി ചെയ്യുന്ന കക്കാടംപൊയിൽ ഇപ്പോൾ മലപ്പുറം ജില്ലയിലെ ഒരു പ്രധാന വിനോദസഞ്ചാര കേന്ദ്രമായി മാറിയിട്ടുണ്ട്. സ്വകാര്യ വ്യക്തികളുടെ നേതൃത്വത്തിലുള്ള നിരവധി റിസോർട്ടുകളാണ് ഇവിടെ പ്രവർത്തിക്കുന്നത്. ഇതിനു പുറമെ കോഴിപ്പാറ വെള്ളച്ചാട്ടവും ഇതിനടുത്തു തന്നെയാണ് സ്ഥിതി ചെയ്യുന്നത്
അനുബന്ധ വീഡിയോ
ബസിടിച്ച് വിദ്യാർഥികൾക്ക് പരിക്ക്; ബസ് തടഞ്ഞ് കൊടികുത്തി രാഷ്ട്രീയ പാർട്ടികൾമലപ്പുറം
Sevens Tournament: സെവൻസ് ടൂർണ്ണമെന്റിനിടെ കൂട്ടത്തല്ല്മലപ്പുറം
Elephant Attack: മലപ്പുറത്ത് ഉത്സവത്തിനിടെ ആനയിടഞ്ഞു; നിരവധി പേർക്ക് പരിക്ക്മലപ്പുറം
'കേറിവാടയെന്ന് പാപ്പാൻ ഞനൊന്ന് കുളിക്കട്ടെയെന്ന് ആന' വൈറലായി കൊടിയേറ്റത്തിനിടെയുള്ള ആനയുടെ കുളിമലപ്പുറം
മതിൽ നിർമാണത്തിനിടെ മണ്ണിനടിയിൽപെട്ട തൊഴിലാളിയെ പുറത്തെടുത്തുമലപ്പുറം
വിശപ്പടക്കാൻ കഴിയാതെ ജനകൂട്ടത്തിനിടയിൽ യുവാവ് പൂച്ച ഇറച്ചി കഴിച്ചുമലപ്പുറം
PK Kunhalikutty: 'സാദിഖലി തങ്ങൾ പറഞ്ഞതിനെ അങ്ങനെ വളച്ചൊടിക്കണ്ട'മലപ്പുറം
Sadiq Ali Thangal Speech: രാമക്ഷേത്രം മതേതരത്വത്തിന്റെ പ്രതീകം;വിവാദമായി സാദിഖലി തങ്ങളുടെ പ്രസംഗംമലപ്പുറം
Viral Dance Video: പരിമിതികളെ തോൽപ്പിച്ച് സിയാന; വേദിയിൽ അവതരിപ്പിച്ച ഡാൻസ് ഏറ്റെടുത്ത് സോഷ്യൽ മീഡിയമലപ്പുറം
CPR for Crow: ഷോക്കേറ്റ് വീണ കാക്കയ്ക്ക് സിപിആർ ; വീഡിയോ വൈറൽമലപ്പുറം
കിണറ്റിൽ വീണ പോത്തിന് അഗ്നിശമന രക്ഷകരായിമലപ്പുറം