കുനിയിൽ ഇരട്ട കൊലപാതക കേസ്: 12 പ്രതികൾക്കുള്ള ശിക്ഷ ഇന്ന് വിധിക്കും
1042 views
മലപ്പുറം വീഡിയോസ് സബ്സ്ക്രൈബ് ചെയ്യൂകുനിയിൽ ഇരട്ട കൊലപാതക കേസിലെ കുറ്റക്കാർ എന്ന് കണ്ടെത്തിയ 12 പ്രതികൾക്കുള്ള ശിക്ഷ വിധി ഇന്ന്. നീണ്ട പത്തുവർഷത്തിനു ശേഷമുള്ള നിയമ പോരാട്ടത്തിനു ശേഷമാണ് കേസിൽ വിധി പറയുന്നത്. ദിവസങ്ങൾക്ക് മുൻപാണ് 12 പ്രതികൾ കുറ്റക്കാരാണെന്ന് മഞ്ചേരി കോടതി കണ്ടെത്തിയത്. കേസിൽ ഒന്നാം പ്രതി റഷീദ് എന്ന സുഡാനി റഷീദ്, മുക്താർ, റാഷിദ് എന്ന ബാവ, ഫദലുറഹ്മാൻ, മഹ്സും, മുഹമ്മദ് ഫത്തീൻ, മുഹമ്മദ് ശരീഫ് എന്ന ചെറി, സഫറുള്ള, സാനിസ് എന്ന ചെറുമണി, ഷബീർ, ഉമർ, അബ്ദുൽ അലി എന്നീ 12 പ്രതികളുടെ ശിക്ഷയാണ് ഇന്ന് മഞ്ചേരി മൂന്നാം അതിവേഗ സെഷൻ കോടതി ജഡ്ജി വിധിക്കുക. 2012 ജൂൺ 10നാണ് കേസിനാസ്പദമായ സംഭവം നടന്നത്. കുനിയിൽ സ്വദേശി അതീഖ് റഹ്മാൻ വധക്കേസിൽ പ്രതിചേർക്കപ്പെട്ട കൊളക്കാടൻ അബൂബക്കർ, സഹോദരൻ അബ്ദുൾ കലാം ആസാദ് എന്നിവരെ മുഖംമൂടി ധരിച്ചെത്തി നടുറോഡിൽ വെട്ടിക്കൊലപ്പെടുത്തിയെന്നാണ് കേസ്. കേസിൽ ഇതിനകം ഇവരെ കൊലപ്പെടുത്താൻ ഉപയോഗിച്ച വടിവാൾ, മറ്റ് ആയുധങ്ങൾ, പ്രതികളുടെ മൊബൈൽ ഫോൺ, വാഹനങ്ങൾ ഉൾപ്പെടെ നുർ തൊണ്ടി മുതലുകളാണ് കോടതിയിൽ ഹാജരാക്കിയത്. ഇതിന് പുറമെ മൊബൈൽ ഫോൺ രേഖകൾ, ശബ്ദപരിശോധനാഫലം ഉൾപ്പെടെ ശാസ്ത്രീയമായി തയ്യാറാക്കിയ 3000 രേഖകൾ, ഫോറൻസിക് രേഖകൾ എന്നിവയും തെളിവായി സ്വീകരിച്ചു.