കൈക്കൂലി വാങ്ങുന്നതിനിടെ ഹെഡ് ക്ലർക്ക് വിജിലൻസിന്റെ പിടിയിൽ
1047 views
മലപ്പുറം വീഡിയോസ് സബ്സ്ക്രൈബ് ചെയ്യൂകൈക്കൂലി വാങ്ങുന്നതിനിടെ ഹെഡ് ക്ലർക്ക് വിജിലൻസിന്റെ പിടിയിൽ. മഞ്ചേരി സബ് രജിസ്ട്രാർ ഓഫിസിലെ ഹെഡ് ക്ലർക്ക് കണ്ണൂർ സ്വദേശി പി.വി ബിജുവിനെയാണ് വിജിലൻസ് പിടികൂടിയത്. അഡ്വ. യഹ്യ നൽകിയ പരാതിയെ തുടർന്നാണ് മലപ്പുറം വിജിലൻസ് ഡി.വൈ.എസ്.പി ഫിറോസ് എം ശഫീഖിന്റെ നേതൃത്വത്തിലുള്ള സംഘം ഇയാളെ പിടികൂടുന്നത്. വിജിലൻസിന്റെ നിർദേശ പ്രകാരം മാർക്ക് ചെയ്ത നോട്ട് യഹ്യ ഹെഡ് ക്ലർക്കിന് കൈമാറി. തുടർന്ന് വിജിലൻസ് ഉദ്യോഗസ്ഥർ മഞ്ചേരി സബ് രജിസ്ട്രാർ ഓഫിസിൽ എത്തി ബിജുവിനെ കൈയോടെ പൊക്കുകയായിരുന്നു. ഭൂമി രജിസ്ട്രേഷനുമായി ബന്ധപ്പെട്ട അപാകതകൾ പരിഹരിക്കാനാണ് ബിജു കൈക്കൂലി ആവശ്യപ്പെട്ടത്. ആദ്യം 5000 രൂപ ചോദിച്ചെങ്കിലും പിന്നീട് 3500 രൂപയാക്കി ചുരുക്കി. ഏഴ് മാസം മുമ്പാണ് ബിജു മഞ്ചേരിയിലെ സബ് രജിസ്റ്റർ ഓഫീസിലെത്തിയത്.