പള്ളികളിലും ഈദ്ഗാഹുകളിലും പെരുന്നാൾ നമസ്കാരങ്ങൾ
1007 views
മലപ്പുറം വീഡിയോസ് സബ്സ്ക്രൈബ് ചെയ്യൂവ്രതശുദ്ധിയുടെ നിറവിൽ ഇന്ന് ചെറിയ പെരുന്നാൾ. മുപ്പത് ദിവസത്തെ റമദാൻ വ്രതം പൂർത്തിയാക്കി വിശ്വാസികൾ ചെറിയ പെരുന്നാൾ ആഘോഷമാക്കുകയാണ്. സന്തോഷവും സാഹോദര്യവും പങ്കിട്ട് ഓരോ വിശ്വാസിയും പതിവ് പോലെ ചെറിയ പെരുന്നാളിനെ വരവേറ്റു. അല്ലാഹു അക്ബർ എന്ന തക്ബീറുകൾ ചൊല്ലി അതിരാവിലെ തന്നെ എല്ലാവരും പള്ളികളിലും ഈദ്ഗാഹുകളിലും എത്തിയിരുന്നു. ഇവിടെ നിന്ന് പെരുന്നാൾ നമസ്കാരതോടെയാണ് ചെറിയ പെരുന്നാൾ ആഘോഷങ്ങൾക്ക് തുടക്കം കുറിച്ചത്. സംസ്ഥാനത്ത് വിവിധ ജില്ലകളിലായി നടന്ന ഈദ് നമസ്ക്കാരത്തിൽ സ്ത്രീകളും മുതിർന്നവരും കുട്ടികളും ഉൾപ്പെടെ ആയിരക്കണക്കിന് ഇസ്ലാം മത വിശ്വാസികളാണ് പങ്കെടുത്തത്. വിവിധ ഇടങ്ങളിൽ നടന്ന പെരുന്നാൾ നമസ്കാരത്തിനും ശേഷം നടന്ന കുത്തുബക്കും വിവിധ ഖത്തീബുമാർ നേതൃത്വം നൽകി.