കള്ളക്കടത്ത് സ്വർണ്ണം തട്ടാൻ എത്തിയ ക്രിമിനൽ സംഘം പോലീസ് പിടിയിൽ |Gold
ആറു പേരടങ്ങിയ ക്രിമിനൽ സംഘം പോലീസ് പിടിയിലായി. കരിപ്പൂർ വിമാനത്താവളത്തിൽ കള്ളക്കടത്ത് സ്വർണ്ണം തട്ടാൻ എത്തിയതാണ് ഈ സംഘം. കരിപ്പൂരിൽ എത്തുന്ന മൂന്ന് യാത്രക്കാരെ തട്ടിക്കൊണ്ടുപോയി ഒന്നേമുക്കാൽ കോടി രൂപയുടെ മൂന്ന് കിലോയിലധികം കടത്ത് സ്വർണ്ണം കവർച്ച ചെയ്യാനായിരുന്നു ഇവരുടെ ലക്ഷ്യം. എന്നാൽ വിമാനത്താവള പരിസരത്ത് വെച്ച് സംഘം പോലീസ് പിടിയിലായി. സ്വർണ്ണവുമായി വരുന്ന മറ്റ് രണ്ട് യാത്രക്കാരുടെ വിവരങ്ങൾ കവർച്ചാ സംഘത്തിന് കൈമാറിയത് മൂന്നാമത്തെ കാരിയറാണ്. പെരിന്തൽമണ്ണ ഏലംകുളം സ്വദേശികളായ മുഹമ്മദ് സുഹൈൽ, അൻവർ അലി, മുഹമ്മദ് ജാബിർ, അമൽ കുമാർ എന്നിവരും മുഹമ്മദലി, ബാബുരാജ് എന്നിവരുമാണ് പിടിയിലായത്. എന്നാൽ സ്വർണ്ണവുമായി എത്തിയ യാത്രക്കാർ കസ്റ്റംസ് പിടിയിലായി. ഇതോടെ ഇവരുടെ പദ്ധതി പൊളിയുകയായിരുന്നു. സ്വർണ്ണക്കടത്തുകാരെ കസ്റ്റംസ് കസ്റ്റഡിയിലെടുത്ത് എയർപോർട്ടിന് പുറത്തേക്ക് കൊണ്ടുപോകുന്നത് കണ്ട കവർച്ചാ സംഘം രക്ഷപെടാൻ ഒരുങ്ങുന്നതിനിടെ പിടിയിലാവുകയായിരുന്നു.malappuramTimesXP MalayalamUpdated: 30 Mar 2023, 4:59 pm