ദശയാംഗം കഥകളി ആസ്വദിച്ച് കോൺഗ്രസ് നേതാവ് രാഹുൽ ഗാന്ധി
1074 views
മലപ്പുറം വീഡിയോസ് സബ്സ്ക്രൈബ് ചെയ്യൂകൈലാസസന്നിധിയിലെ തട്ടകത്തിൽ അരങ്ങേറിയ കഥകളിയിൽ ലയിച്ച് കോൺഗ്രസ് നേതാവ് രാഹുൽ ഗാന്ധി. കോട്ടക്കൽ വിശ്വംഭരക്ഷേത്ര സന്നിധിക്ക് സമീപമുള്ള അഗ്രശാലയിൽ ആയിരുന്നു ദശയാംഗം കഥകളി അരങ്ങേറിയത്. പി.എസ്.വി നാട്യസംഘത്തിലെ കഥകളി കലാകാരൻമാരാണ് അദ്ദേഹത്തിന് വേണ്ടി കഥകളി അവതരിപ്പിച്ചിരുന്നത്. ഏകദേശം ഒന്നര മണിക്കൂറോളം നീണ്ട നിന്ന കഥകളി വലിയ ആവേശത്തോടെയാണ് അദ്ദേഹം ആസ്വദിച്ചത്. മുൻ മുഖ്യമന്ത്രി ഉമ്മൻ ചാണ്ടിയുടെ സംസ്കാര ചടങ്ങിൽ പങ്കെടുക്കാൻ വേണ്ടിയാണ് രാഹുൽ ഒരു ഇടവേളക്കുശേഷം കേരളത്തിൽ വീണ്ടും എത്തിയിരുന്നത്. ഇതിന് ശേഷമാണ് ആയുർവേദ ചികിത്സക്കായി കോട്ടക്കൽ ആര്യവൈദ്യശാലയിൽ എത്തിയത്. തുടർന്ന് ഇവിടെ ചികിത്സയിൽ തുടരുന്ന അദ്ദേഹം ജില്ലയിൽ ഈ അടുത്ത ദിവസങ്ങളിലായി വിവിധ ഇടങ്ങളിൽ സന്ദർശനം നടത്തിയിരുന്നു. ഇതിനു പിന്നാലെയാണ് ആട്ട വിളക്കിനു മുന്നിൽ ആടി തിമിർത്ത് നടന്ന വൈഭവങ്ങളെ രാഹുൽ നമിച്ചത്. തുടർന്ന് കഥകളി അവസാനിച്ചശേഷം കലാകാരന്മാരെ കാണാൻ വേദിയിൽ കയറി അവരെ അഭിനന്ദിക്കുകയും തുടർന്ന് അവരോടൊപ്പം ഫോട്ടോയും എടുത്തശേഷമാണ് അദ്ദേഹം അവിടെനിന്ന് മടങ്ങിയത്. #Kathakali #RahulGandhi