ആയിരത്തോളം പേര്ക്ക് ഇഫ്താർ വിരുന്നൊരുക്കി ചാത്തങ്ങാട് വിഷ്ണു ക്ഷേത്ര കമ്മിറ്റി |Ramadan
1027 views
മലപ്പുറം വീഡിയോസ് സബ്സ്ക്രൈബ് ചെയ്യൂക്ഷേത്ര മുറ്റത്ത് ഇഫ്താർ വിരുന്ന്. ചാത്തങ്ങാട് വിഷ്ണു ക്ഷേത്രകമ്മിറ്റിയാണ് ആയിരത്തോളം പേര്ക്ക് ഇഫ്താർ വിരുന്ന് ഒരുക്കിയത്. റമദാൻ ആയതിനാൽ ക്ഷേത്രോത്സവത്തിന്റെ ഭാഗമായി നടന്ന സമൂഹസദ്യയില് പങ്കെടുക്കാന് മുസ്ലിം സഹോദരങ്ങള്ക്കാ സാധിച്ചിരുന്നില്ല. ഇവർക്കായാണ് തിരൂര് വാണിയന്നൂര് ചാത്തങ്ങാട് വിഷ്ണു ക്ഷേത്രകമ്മിറ്റി ഭാരവാഹികള് ഇഫ്താർ വിരുന്ന് സംഘടിപ്പിച്ചത്. ക്ഷേത്രപരിസരത്ത് തന്നെ പന്തലൊരുക്കിയാണ് സമൂഹ ഇഫ്താര് വിരുന്ന് സംഘടിപ്പിച്ചത്. പാണക്കാട് റശീദലി ശിഹാബ് തങ്ങള് ചടങ്ങില് അതിഥിയായി എത്തി. കഴിഞ്ഞ ഞായര്, തിങ്കള് ദിവസങ്ങളിലായി ചാത്തങ്ങാട് മഹാവിഷ്ണു ക്ഷേത്രത്തില് പ്രതിഷ്ഠദിന മഹോത്സവവും മഹാസുദര്ശന ഹോമവും നടന്നിരുന്നു. ഇതിന്റെ ഭാഗമായ പ്രസാദ ഊട്ടിലേക്ക് മുസ്ലിം സഹോദരങ്ങളെയും ക്ഷണിക്കാറുണ്ട്. എന്നാല് ഇത്തവണ റമദാന് മാസമായതിനാല് പ്രസാദ ഊട്ടില് പങ്കെടുക്കാന് ഇവര്ക്ക് സാധിച്ചിരുന്നില്ല. ഇതോടെയാണ് പ്രത്യേക നോമ്പ്തുറ ഒരുക്കിയത്.