Karipur Police Station: തിരിച്ചടവ് മുടങ്ങി; പോലീസ് സ്റ്റേഷന് ജപ്തി നോട്ടീസ്
1006 views
മലപ്പുറം വീഡിയോസ് സബ്സ്ക്രൈബ് ചെയ്യൂകരിപ്പൂർ പോലീസ് സ്റ്റേഷൻ കെട്ടിടത്തിന് ജപ്തി നോട്ടീസ് പതിച്ച് കനറ ബാങ്ക് അധികൃതർ. തിരിച്ചടവ് മുടങ്ങിയതിനുപിന്നാലെയാണ് ബാങ്ക് അധികൃതർ ജപ്തി നോട്ടീസ് അയച്ചത്. പോലീസ് സ്റ്റേഷന് പ്രവർത്തിക്കുന്നത് വാടക കെട്ടിടത്തിലാണ്. 8,000 രൂപയാണ് ഉടമക്ക് വാടകയായി നൽകുന്നത്. പോലീസ് സ്റ്റേഷൻ പ്രവർത്തിക്കുന്ന 17.5 സെന്റ് ഭൂമിയും കെട്ടിടവും ഉൾപ്പെടുന്ന രേഖ വെച്ച് ഉടമ ബാങ്കിൽനിന്ന് അഞ്ചുകോടി 69 ലക്ഷം രൂപ വായ്പ എടുത്തിരുന്നു. തുടർന്ന്, ഈ വായ്പ തിരിച്ചടക്കാതെ വന്നതോടെയാണ് തുടർ നടപടിയുടെ ഭാഗമായി പോലീസ് സ്റ്റേഷൻ കെട്ടിടത്തിൽ ജപ്തി നോട്ടീസ് പതിപ്പിച്ചത്. അതേസമയം, വർഷങ്ങളായി പോലീസ് സ്റ്റേഷൻ വാടക കെട്ടിടത്തിൽ പ്രവർത്തിച്ചിട്ടും പോലീസ് സ്റ്റേഷന് സ്വന്തമായി ഭൂമി ഏറ്റെടുത്ത് പുതിയ ഒരു പോലീസ് സ്റ്റേഷൻ നിർമ്മിക്കാൻ ഇതുവരെ അധികൃതർ തയ്യാറായിട്ടില്ല. ഇതോടെ കരിപ്പൂർ കേന്ദ്രീകരിച്ചുള്ള അനധികൃത സ്വർണക്കള്ളക്കടത്ത് ഉൾപ്പടെ പ്രധാനമായി കൈകാര്യം ചെയ്യുന്ന ജില്ലയിലെ പ്രധാന പോലീസ് സ്റ്റേഷനാണ് ഇപ്പോൾ ജപ്തി ഭീഷണി നേരിടുന്നത്. അഞ്ച് വനിത പോലീസുകാർ ഉൾപ്പെടെ 47 ജീവനക്കാരാണ് കരിപ്പൂർ പോലീസ് സ്റ്റേഷനിൽ നിലവിൽ ജോലി ചെയ്യുന്നത്. ഇതിനുപുറമേ ഈ പോലീസ് സ്റ്റേഷനിൽ ഒരു ലോക്കപ്പ് ഉൾപ്പെടെയുള്ള അടിസ്ഥാന സൗകര്യങ്ങൾ ഇല്ലാത്തതും ഇവിടുത്തെ പോലീസ് ഉദ്യോഗസ്ഥർക്ക് വലിയ ബുദ്ധിമുട്ടാണ് സൃഷ്ടിക്കുന്നത്.