മസാജ് കേന്ദ്രത്തിലെ ജീവനക്കാരിയെ പീഡിപ്പിച്ച പ്രതികൾ പിടിയിൽ
ആയുർവേദ ചികിത്സാ കേന്ദ്രത്തിൽ ജീവനക്കാരിയെ പീഡിപ്പിച്ച യുവാവും മസാജ് കേന്ദ്രം നടത്തിപ്പുകാരനും അറസ്റ്റിൽ. തിരൂരിൽ ആണ് സംഭവം. മസാജ് ചെയ്യണമെന്ന ആവശ്യവുമായി കേന്ദ്രത്തിൽ എത്തുകയും ജീവനക്കാരിയെ ലൈംഗികമായി അതിക്രമിക്കുകയുമായിരുന്നു. താനൂർ പുതിയ കടപ്പുറം സ്വദേശി കടവണ്ടിപുരക്കൽ ഫർഹാബ്, കൂട്ടുനിന്ന സ്ഥാപന നടത്തിപ്പുകാരൻ കൊപ്പം സ്വദേശി കുന്നക്കാട്ടിൽ കുമാരൻ എന്നിവരെയാണ് പോലീസ് അറസ്റ്റ് ചെയ്തത്. കഴിഞ്ഞ ബുധനാഴ്ച വൈകിട്ട് സ്ഥാപനത്തിലെത്തിയ പ്രതി ചികിത്സാ മുറിയിൽ വച്ച് ജീവനക്കാരിയോട് ലൈംഗിക അതിക്രമം നടത്തുകയായിരുന്നു. സംഭവം നടന്ന സമയം പ്രതിയെ പിടികൂടാനോ വിവരം പോലീസിൽ അറിയിക്കാനോ ജീവനക്കാരനായ കുമാരൻ തയ്യാറായില്ല. തുടർന്ന് ജീവനക്കാരി പോലീസിൽ പരാതി നൽകിയതിനെ തുടർന്ന് കേസ് രജിസ്റ്റർ ചെയ്തു അന്വേഷണം നടത്തുന്നതിനിടയിലാണ് പ്രതികളെ പിടികൂടിയത്. രാത്രി 8.30ഓടെയാണു സംഭവം. രാത്രി വൈകി കേന്ദ്രം അടുക്കുന്ന സമയത്താണ് ഷർഹബ് എത്തുന്നത്. തനിക്കു മസ്സാജ് ചെയ്യണമെന്ന് പറഞ്ഞതോടെ അടക്കുകയാണെന്നും സമയം വൈകിയെന്നും കുമാരൻ തന്നെയാണു പറയുന്നത്.malappuramTimesXP MalayalamUpdated: 28 Apr 2023, 11:02 pm