Desert Bike by Shakib: സ്വയം ബൈക്ക് നിർമിച്ച് പത്താംക്ലാസ് വിദ്യാർഥിസ്വയം ബൈക്ക് നിർമിച്ച് പത്താംക്ലാസ് വിദ്യാർഥി. മലപ്പുറം മങ്കട സ്വദേശിയായ മുഹമ്മദ് ഷക്കീബ് എന്ന വിദ്യാർഥിയാണ് മരുഭൂമിയിലും ഓഫ് റോഡിലും ഉപയോഗിക്കാൻ കഴിയുന്ന 'ഡെസേർട്ട് ബൈക്ക്' നിർമിച്ചിരിക്കുന്നത്. പഴയ ബൈക്കിന്റെ എൻജിനൊപ്പം ഓട്ടോറിക്ഷയുടെ ടയർ ചേർത്താണ് ഷക്കീബ് സ്വപ്നം യാഥാർഥ്യമാക്കിയത്. 4 ടയറുകളുണ്ടെങ്കിലും ബൈക്കിന് സമാനമായാണ് ഈ വാഹനത്തിന്റെ പ്രവർത്തനം. സാധാരണ കണ്ടുവരുന്ന ബൈക്കുകളിൽനിന്ന് വ്യത്യസ്തമായി, ഏതു കുന്നും മലയും കയറാൻ ഈ ഡെസേർട്ട് ബൈക്കിന് കഴിയുമെന്ന് ഷക്കീബ് അവകാശപ്പെടുന്നു. ഒൻപതാം ക്ലാസിൽ പഠിക്കുന്ന സമയത്തും ഒരു ബൈക്ക് നിർമിച്ച് ഷക്കീബ് ശ്രദ്ധ നേടിയിട്ടുണ്ട്.