525 Rupees Coin in India: 525 രൂപയുടെ നാണയം മലപ്പുറംകാരൻ സ്വന്തമാക്കിയത് 3513 രൂപയ്ക്ക്
1047 views
മലപ്പുറം വീഡിയോസ് സബ്സ്ക്രൈബ് ചെയ്യൂരാജ്യത്ത് ആദ്യമായി പുറത്തിറങ്ങിയ 525 രൂപയുടെ നാണയം മലപ്പുറം മഞ്ചേരി സ്വദേശി സ്വന്തമാക്കി.3513 രൂപയ്ക്കാണ് നാണയം സ്വന്തമാക്കിയത്. തൃപ്പനച്ചി എയുപി സ്കൂൾ അധ്യാപകനും പുരാവസ്തു നാണയ സൂക്ഷിപ്പുകാരനുമായ എംസി അബ്ദുൽ അലിയാണ് നാണയം വാങ്ങിയത്. റിസർവ് ബാങ്ക് ഓഫ് ഇന്ത്യയുടെ കൊൽക്കത്ത നാണയ കമ്മട്ടശാലയിൽ നിന്നാണ് നാണയം പുറത്തിറക്കിയത്. രാജസ്ഥാനിലെ രജപുത്ര രാജകുമാരിയും നിരവധി ഭാഷകളിലേക്ക് വിവർത്തനം ചെയ്ത മീരാ ഭജനുകളുടെ കർത്താവുമായ മീരാഭായിയുടെ 525-ാമത് ജന്മദിനത്തിനോടനുബന്ധിച്ചാണ് റിസർവ് ബാങ്ക് നാണയം പുറത്തിറക്കിയത്. 50 ഗ്രാം വെള്ളി, 40 ഗ്രാം ചെമ്പ്, അഞ്ച് ഗ്രാം നിക്കൽ, അഞ്ച് ഗ്രാം സിങ്ക് എന്നിവയാണ് നാണയനിർമാണത്തിനായി ഉപയോഗിച്ച ലോഹങ്ങൾ. 44 മില്ലിമീറ്റർ വ്യാസമുള്ള നാണയത്തിന് 35 ഗ്രാം തൂക്കമുണ്ടെന്ന് അധികൃതർ പറഞ്ഞു. പൊതുവിപണിയിൽ ഇറക്കാത്ത ഈ നാണയം സ്വന്തമാക്കണമെങ്കിൽ നേരത്തെ ബുക്ക് ചെയ്യണം. 20, 25, 50, 60, 75, 100, 125, 150,175, 200, 250, 350, 400, 500, 550, 1000 എന്നീ ഇന്ത്യൻ നാണയങ്ങൾ റിസർവ് ബാങ്ക് നേരെത്തെ സമാനമായ രീതിയിൽ പുറത്തിറക്കിയിരുന്നു.