കുട്ടികൾക്കുനേരെ പാഞ്ഞടുത്ത് തെരുവുനായക്കൂട്ടം
1014 views
മലപ്പുറം വീഡിയോസ് സബ്സ്ക്രൈബ് ചെയ്യൂകുട്ടികൾക്കുനേരെ പാഞ്ഞടുത്തു തെരുവുനായക്കൂട്ടം. വലിയ പെരുന്നാൾ ദിവസം മലപ്പുറം തിരൂരങ്ങാടിയിലെ കുണ്ടൂരിലാണ് സംഭവം. പെരുന്നാൾ നമസ്കാരത്തിനായി പള്ളിയിലേക്കുപോയ കുണ്ടൂർ സ്വദേശി കമറുദിന്റെ 14 ഉം 12 ഉം വയസുള്ള മക്കളെയാണ് തെരുവുനായകൾ ഓടിച്ചത്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു.14-കാരനായ കുട്ടി ഭയന്ന് ഓടിയതോടെ നായകൾ കുരച്ചു പിന്നാലെ ഓടുകയായിരുന്നു. സമീപത്തുള്ള വീട്ടിൽ ഓടിക്കയറി അഭയം തേടിയതുകൊണ്ടാണ് കുട്ടികൾ രക്ഷപ്പെട്ടത്. കുട്ടികൾ രക്ഷപ്പെട്ടത് അത്ഭുതകരമായാണെന്ന് ദൃക്സാക്ഷികൾ പറഞ്ഞു. തെരുവുനായശല്യം മലപ്പുറം ജില്ലയുടെ വിവിധയിടങ്ങളിൽ രൂക്ഷമാണ്. നിരവധി പേർക്ക് തെരുവുനായയുടെ ആക്രമണത്തിൽ പരിക്കേറ്റിട്ടുണ്ട്. ഇതിൽ അടിയന്തര നടപടി ആവശ്യപ്പെട്ട് അധികൃതർക്ക് പരാതി നൽകുന്നുണ്ടെങ്കിലും ഇതുവരെ ഫലം ഉണ്ടായിട്ടില്ലെന്നാണ് ആക്ഷേപം.